Video
Read full review
2010-09-07
119 views
果晚放咗工好攰, 唔想煮飯, 所以去咗食雞粥.....................當晚去到都成7點半, 已經有坐滿2/3人, 好彩仲有幾張細枱...............一望見個餐牌, 嘩.................12蚊有鮑魚雞粥食wor~~ 咁抵, 梗係要叫番1煲la~~ 另外, 仲叫咗個孖寶, 當然唔少得招牌乳鴿la~~ 鮑魚雞粥 等咗唔夠5分鐘, 傳菜姐姐已經將佢放上枱, 果然不出所料, 12蚊咁平, 唔方會有好大煲同埋好多料啦~~ 個煲size似係平時食煲仔飯果種, 鮑魚只得2片, 雞有4舊仔.............. 鮑片應該係罐頭鮑or螺片之類, 應該唔似係素鮑片, 因為都幾有咬口................ 雞有少少鹹味, 但好細舊, 碎濕濕, 又肥................. 粥底幾綿, 不過好似重手咗少少, 因為味道偏鹹................乳鴿 連同雞粥一齊上, 以為佢咁快上, 一定係斬好哂, 放到凍哂la~~ 但又唔係wor~~ 仲好熱辣辣架~~ 乳鴿皮好脆, 但略為肥咗少少, d肉都好嫩, 唔會過老............
一望見個餐牌, 嘩.................12蚊有鮑魚雞粥食wor~~ 咁抵, 梗係要叫番1煲la~~ 另外, 仲叫咗個孖寶, 當然唔少得招牌乳鴿la~~
鮑魚雞粥
等咗唔夠5分鐘, 傳菜姐姐已經將佢放上枱, 果然不出所料, 12蚊咁平, 唔方會有好大煲同埋好多料啦~~ 個煲size似係平時食煲仔飯果種, 鮑魚只得2片, 雞有4舊仔..............
鮑片應該係罐頭鮑or螺片之類, 應該唔似係素鮑片, 因為都幾有咬口................
雞有少少鹹味, 但好細舊, 碎濕濕, 又肥.................
粥底幾綿, 不過好似重手咗少少, 因為味道偏鹹................
乳鴿
連同雞粥一齊上, 以為佢咁快上, 一定係斬好哂, 放到凍哂la~~ 但又唔係wor~~ 仲好熱辣辣架~~
乳鴿皮好脆, 但略為肥咗少少, d肉都好嫩, 唔會過老...............
魚肚魚湯浸時菜
嘩.............好大碟, 有魚肚、白菜仔、蒜子、唐芹.............
魚肚唔腥, 係間中有1-2舊太爛, 但其餘的都好爽口..............
白菜仔又係間中有2-3棵爛葉, 影響少少食慾...............
蒜子同唐近令到碟餸好香 (雖然呢2樣我都唔食)
個魚湯開頭飲會覺得好好飲, 但唔知點解好似越飲越鹹, 到後來已經唔想再飲lor~~
銀杏腐竹浸聖子
嘩.............又係超大碟, 仲成鑊上, 開頭諗會係一碟仔, 但點知....................
腐竹好入味, 吸收哂d魚湯, 雖然d魚湯又係偏鹹, 但d腐竹又唔會變到好鹹, 可能本身腐竹冇乜味, 所以吸咗d魚湯之後, 變得好正..............
估都估唔到有咁多聖子, 有十幾隻, 而且size唔細, 當然又未到聖子皇咁大隻啦~~ 但都好好肉, 好厚肉........... 雖然d內臟唔係清潔得好乾淨, 可能我個人要求比較高, 我老公就覺得出嚟食都清到呢個程度, 已經好好了..............
都係用果d魚湯浸, 所以都係偏鹹lor~~~
仲有d翠玉瓜片、青瓜片、唐芹一齊煮.............夠哂健康.......haha~~
食到飽飽果陣, 我四周圍望會唔會有糖水/生果送呢...............果然係有架!!! 但老公話可能係人地食餐先有, 咁我就信佢la~~ 點知...............到叫結賬時, 個叔叔話有綠豆沙, 我老公仲未聽到人地講乜果陣我已經答咗 "好呀!!" haha~~~ 隔咗一陣就即刻拎2碗綠豆沙比我地, 响等找數時, 啱啱好食哂碗綠豆沙, 簡直係超正, 煲到好起沙之餘又唔太甜........正呀!!!
Post
