信州日本料理

Open Now

Now Closed

屋企生日飯食過信州，燒物做得非常好，控制火喉功夫佳。今日約大學同學黎聚餐，食中午飯，12：30入座，坐窗邊位 ，可以望到西環海旁特別寫意。午餐選擇好多有熟食，廚師發板，刺身套餐。由$108 - 378 價錢，同朋友分別叫咗兩個餐同埋小食一齊分。銀雪魚西京燒$188 包括麵豉湯，沙律，蒸蛋 。蒸蛋絕不馬虎，有蟹肉冬菇及白果 ，滑滑蒸蛋。西京燒有陣陣的清酒醃過的香氣，魚皮部分蕉香，伴白飯。壽司定食$248 包括8件壽司及壽司卷，麵豉湯，沙律，蒸蛋 。女士胃口係非常飽肚。另外單點天婦羅，南瓜，番薯，黃椒，矮瓜，海蝦，魚，真係非常出色，炸漿好薄，海蝦非常鮮甜，鎖住肉汁。燒雞翼一客，脆卜卜的雞皮，幾滴檸檬汁提起雞翼鮮味，咸度適中。甜品是兩粒可愛的和果子，西果及桃外形，軟綿綿包著紅豆餡，實在不捨得吃。朋友請客，真的很愉快的飯聚。