益昌小食店 (Closed)

搭左咁耐車，一黎到大澳，就即刻覺得好肚餓，呢間益昌小食店離車站好近，於是同朋友衝左入去醫下肚先。呢張益昌既菜單，基本上全部既都係一啲小店經營，都好平民，價錢都唔算貴。我地嗌左呢個XO醬燒賣，但味道算普普通通，即係正常街邊燒賣加左啲XO醬咁。呢個係蝦醬墨丸，墨丸都係正常味，但蝦醬真係好好味!大澳不愧係蝦醬之鄉，味濃同埋好新鮮，食過都覺得好難忘，呢個真係值得一試。