初鮨 (Closed)

本身在旺角番工，見到openrice 有間午市廚師發辦，價錢都幾吸引，決定試一試。留意番價錢係閒日適用的價錢，中間tier梅感覺上性價比高，都見到唔少食客都揀依個set。先講前菜，有三樣，柚子海蜇，茶碗蒸和沙律，賣相幾吸引。特選刺身：牙帶魚油香甘甜美味，帶子爽滑彈牙，劍魚口感豐富又唔太油膩，整體幾配合。壽司有10款，每次廚師都會先介紹再上，師傅會好有心機跟你介紹每日的壽司。岩鹽、黑雕、金木雕、竹籤魚、深海池魚、迷你銀雪魚配海膽醬、左口魚群邊、釜山縣白蝦、北海道根室馬份海膽，刺身十分新鮮，壽司的米飯加了柚子汁，分外配搭！壽司份量好多！麵豉湯配抹茶食到飽後飲啖麵豉湯去除油膩的感覺甜品：最後有薑味雪糕作甜點，幾特別。