Video
Read full review
2018-12-19
1406 views
「冇食過安娜餐廳，點叫入過元朗？」我話既！元朗多好野食就出哂名，睇我啲食評都見我經常都係係元朗覓食，有好多間都真係老字號同埋水準一直keep到，真係好多間都係必食，而我個必食list唔少得呢間「安娜餐廳」，幫襯左佢好多年！餐廳內外等位是常識吧？不過真係好快，雖然咁多人，但因為出餐實在快到誇張，基本上你一點完單，啲野食就陸續上枱，所以翻枱速度都好快，等位就唔會用好多時間，加上餐廳都好大，坐到好多人，不過位同位之間就真係好逼，同埋要4人一張卡位，啲位又窄，座位上相對就一定唔舒適同埋冇乜私隱，你講乜人地都知。食物選擇我次次黎都靜係會睇第一頁，其實佢都有好多其他散叫既野食，不過識食既一定係依SET！西冷牛扒餐 $104-鮮油多士-餐湯-黑椒/洋蔥/咖哩汁西冷牛扒-咖啡或茶你冇睇錯，$104食鐵板牛扒仲要包以上咁多款野！樣樣有齊真係好抵食！鮮油多士呢個你就唔好抱咩期望，真係純粹一塊白麵包，仲要好薄身，然後比舊牛油你自己塗，真係冇咩好評價，呢個係比較低質。餐湯有紅湯、白湯，我身為羅宋湯Fans就一定揀紅湯，唔好以為同麵包一樣，餐湯唔會hea做，當然都會係溝水，但係足料同埋夠味，係香港茶記既紅湯味道
餐廳內外
等位是常識吧？不過真係好快，雖然咁多人，但因為出餐實在快到誇張，基本上你一點完單，啲野食就陸續上枱，所以翻枱速度都好快，等位就唔會用好多時間，加上餐廳都好大，坐到好多人，不過位同位之間就真係好逼，同埋要4人一張卡位，啲位又窄，座位上相對就一定唔舒適同埋冇乜私隱，你講乜人地都知。
食物選擇
我次次黎都靜係會睇第一頁，其實佢都有好多其他散叫既野食，不過識食既一定係依SET！
西冷牛扒餐 $104
-鮮油多士
-餐湯
-黑椒/洋蔥/咖哩汁西冷牛扒
-咖啡或茶
你冇睇錯，$104食鐵板牛扒仲要包以上咁多款野！樣樣有齊真係好抵食！
鮮油多士
呢個你就唔好抱咩期望，真係純粹一塊白麵包，仲要好薄身，然後比舊牛油你自己塗，真係冇咩好評價，呢個係比較低質。
餐湯
有紅湯、白湯，我身為羅宋湯Fans就一定揀紅湯，唔好以為同麵包一樣，餐湯唔會hea做，當然都會係溝水，但係足料同埋夠味，係香港茶記既紅湯味道。
洋蔥汁西冷牛扒
洋蔥汁西冷牛扒SET
$104
41 views
0 likes
0 comments
洋蔥汁西冷牛扒SET
$104
56 views
0 likes
0 comments
洋蔥汁西冷牛扒SET
$104
51 views
0 likes
0 comments
識食就一定係食黑椒汁夠惹味，不過因為女友食黑椒汁，所以呢份就揀洋蔥汁，西冷既肉質纖維就比較厚身啲，所以肉味同口感會更加勁。呢到既鐵板餐塊塊牛都係超級大塊而且勁厚身，但做到超鬆軟，唔洗點咬咁制，雖然講句老實話，應該就落左唔少梳打粉去嗱鬆啲肉，不過佢好食喎～又入味，加上收你$104比到咁多野你食，真係無得輸。但如果你唔中意有咬口都係食牛柳會好啲，因為西冷始終會帶筋，有啲位咬唔開同有渣，我個人就會中意食黑椒牛柳多啲。而底部既薯菜就算啦，索唒啲汁淋PatPat又油，我就唔會食～
意粉 +$7
加配意粉
$7
58 views
0 likes
0 comments
另外仲可以加$7要碟意粉，唔係齋意粉咁簡單，有用茄醬撈過，抵食！
咖啡或茶
凍飲係唔洗加錢，最後叫埋杯凍奶茶，Perfect池！
叫埋單會比張紙你
諗左好耐咩係「4面」，幾搞笑，應該係我地座既位置，唔係枱號，叫「4面」
$104再加一都係$115，食到鋸扒SET，上枱真係淋汁「吱吱聲」，香港老餐廳就係要食呢啲，而呢個價位仲要塊肉比到咁厚咁稔既你真係冇乜邊間做到，唔食「安娜餐廳」食咩！？
Post
