Video
Read full review
2024-08-13
610 views
今日出黎尖沙咀，決定夜晚一齊食個豐盛大餐！呢間永年喺逸東酒店地下，自成一角，仲有個車仔麵檔打卡corner，仲有送明信片，幾盞鬼😂背景仲播住經典廣東歌，環境氣氛幾好～1️⃣自選三餸菜底（$48 ）微咖哩辣 、三餸（魷魚 （+$2）、墨魚蝦卷（+$6）、麻辣豬耳（+$6））另外加餸（牛柏葉（+$13） ）菜底係菜芯，比較輕盈，嗌餸Heavy啲都無問題！墨魚蝦卷墨魚味較突出，豬耳嘅麻辣味好香，魷魚就不過不失，牛柏葉都好爽，撈埋咖喱汁更正2️⃣牛筋腩蝦籽撈麵（$66）撈粗麵、微咖哩辣汁加豬腸汁 加餸（瘦豬腸（+$11） 、流心蛋（+$11））最鍾意食撈麵，唔落湯先，蝦籽嘅鹹香味好出，加咗湯又有另一番風味，會有種藥膳香滲出嚟，跟麵嘅牛筋腩份量都多，而且真係幾正，牛腩比望落更軟稔香口，牛味好夠，而牛筋係入口即溶果種，膠質較強個人都幾鍾意食豬腸，呢款腸洗得乾淨，又唔會韌，都好正流心蛋就熟咗少少～不過都好香口加配樽仔奶茶（+$17） 呢款係永年自家製奶茶，無冰溝淡茶味，甜香味更突出！另外加配紅豆奶茶冰（+$15） 經典港式飲品，無得輸！3️⃣小食鹵水雞翼（$30） 呢個價錢有五隻雞翼，簡直係抵到爛！而且雞翼一啲
呢間永年喺逸東酒店地下，自成一角，仲有個車仔麵檔打卡corner，仲有送明信片，
幾盞鬼😂背景仲播住經典廣東歌，環境氣氛幾好～
1️⃣自選三餸菜底（$48 ）
微咖哩辣 、三餸（魷魚 （+$2）、墨魚蝦卷（+$6）、麻辣豬耳（+$6））
另外加餸（牛柏葉（+$13） ）
菜底係菜芯，比較輕盈，嗌餸Heavy啲都無問題！
墨魚蝦卷墨魚味較突出，豬耳嘅麻辣味好香，魷魚就不過不失，
牛柏葉都好爽，撈埋咖喱汁更正
2️⃣牛筋腩蝦籽撈麵（$66）
撈粗麵、微咖哩辣汁加豬腸汁
加餸（瘦豬腸（+$11） 、流心蛋（+$11））
最鍾意食撈麵，唔落湯先，蝦籽嘅鹹香味好出，
加咗湯又有另一番風味，會有種藥膳香滲出嚟，
跟麵嘅牛筋腩份量都多，而且真係幾正，
牛腩比望落更軟稔香口，牛味好夠，
而牛筋係入口即溶果種，膠質較強
個人都幾鍾意食豬腸，呢款腸洗得乾淨，又唔會韌，都好正
流心蛋就熟咗少少～不過都好香口
加配樽仔奶茶（+$17）
呢款係永年自家製奶茶，無冰溝淡茶味，
甜香味更突出！
另外加配紅豆奶茶冰（+$15）
經典港式飲品，無得輸！
3️⃣小食
鹵水雞翼（$30）
呢個價錢有五隻雞翼，簡直係抵到爛！
而且雞翼一啲都唔欺場，滷水醃得好入味，配麵食非常夾
4️⃣淨酸齋（$24）
依家唔多車仔麵店會有酸齋食，果種酸香味勾起無限回憶，
又為成個麵餐注入不同嘅味道
最重要係埋單二人只係$249，實在太抵食！
Post
