Video
Read full review
2021-07-21
93 views
聽同事介紹呢間燒味，個個都讚好食。又等我黎會一會佢先！ 今次揀左12:00中午時段黎，店舖位置都幾易搵，而且幾突出！ 正因店舖四周係街市，佢裝修新穎同光猛，好容易一眼就睇到。呢個時段黎到唔係好多人，仲有一半空位，店內裝修同其他食評所講一樣，是擺脫左一貫對燒味店嘅老舊，地板油淋淋嘅感覺留意到每枱食客都食緊叉燒，又等我試試先！ 我揀左個叉燒+燒鵝飯 $58一大碗，飯量十足叉燒：半肥瘦+燶邊， 食落一啲都唔肥膩，肉質淋淋地而且有咬口，唔會燒到好乾一條柴咁🤤有d 食評會話佢太燶，我望落又無咁嘅事，覺得岩岩好，又鍾意佢夠甜！燒鵝： 皮脆肉嫩！我食嘅位置剛好肉，骨各半，有少少肥膏，食落好香炭燒味，又無一陣騷味而酸梅醬，好傑身，唔係稀林林，酸甜剛好白飯+燒汁：不得不讚埋，佢嘅飯係粒粒分明，有咬口，好有口感，加埋燒汁一流，唔會太淋身！ 仲有個燒汁，一啲都唔肥膩，唔會見到係油淹咁款，同埋係好清澈（見唔到有渣滓）顏色淡淡，但味道一啲都唔淡！再試埋冰燒鳳凰雞飯+ 辣汁 ($52)係雞扒黎，而唔係燒味雞第一次見燒味舖用雞扒， 感覺幾新鮮可惜，略嫌有d 硬同乾身而辣汁，辣中帶酸，有少少泰式風味，十分惹味開胃每日
又等我黎會一會佢先！
今次揀左12:00中午時段黎，店舖位置都幾易搵，而且幾突出！ 正因店舖四周係街市，佢裝修新穎同光猛，好容易一眼就睇到。
呢個時段黎到唔係好多人，仲有一半空位，店內裝修同其他食評所講一樣，是擺脫左一貫對燒味店嘅老舊，地板油淋淋嘅感覺
留意到每枱食客都食緊叉燒，又等我試試先！
我揀左個叉燒+燒鵝飯 $58
叉燒燒鵝飯
$58
9 views
0 likes
0 comments
一大碗，飯量十足
叉燒：半肥瘦+燶邊， 食落一啲都唔肥膩，肉質淋淋地而且有咬口，唔會燒到好乾一條柴咁🤤
有d 食評會話佢太燶，我望落又無咁嘅事，覺得岩岩好，又鍾意佢夠甜！
燒鵝： 皮脆肉嫩！我食嘅位置剛好肉，骨各半，有少少肥膏，食落好香炭燒味，又無一陣騷味
而酸梅醬，好傑身，唔係稀林林，酸甜剛好
白飯+燒汁：不得不讚埋，佢嘅飯係粒粒分明，有咬口，好有口感，加埋燒汁一流，唔會太淋身！ 仲有個燒汁，一啲都唔肥膩，唔會見到係油淹咁款，同埋係好清澈（見唔到有渣滓）顏色淡淡，但味道一啲都唔淡！
再試埋冰燒鳳凰雞飯+ 辣汁 ($52)
係雞扒黎，而唔係燒味雞
第一次見燒味舖用雞扒， 感覺幾新鮮
可惜，略嫌有d 硬同乾身
而辣汁，辣中帶酸，有少少泰式風味，十分惹味開胃
每日例湯$6 (跟飯）
每日唔同湯，講明唔加味精，飲完無口乾嘅情況
又確實真係又好飲，又足料
大家試過都覺得唔錯
唯一要改善嘅係： 待應嘅態度，
Overall, 值得回頭到食系列，同埋屋企加餸一流！
有一樣要改善是待應態度， 由於中午時間，人流較多， 未食完已經連醬汁都收走埋☹️
Post
