갈비궁 Galbi Gung

Open Now

Now Closed

之前同另一半喺大圍圍方商場揀咗呢間韓國餐廳食午飯，入到去已經覺得個環境唔錯，坐得幾舒服同寬敞，衛生情況令人滿意。會有前菜提供，好似加幾十蚊就可以無限添加，前菜就包括芽菜泡菜等普通嘅韓國小食。由於我同另一半都係好鍾意食海鮮嘅人，所以我哋兩個都各自嗌咗一份海鮮豆腐湯套餐，用料都幾足，會有豆腐、蜆、青口等等，味道唔錯，不過飯就會偏少，男仔可能會唔夠飽。最後兩個人食咗好似都係$300以內。以一間係大商場入面嘅餐廳嚟講，都算幾物超所值。