Video
Read full review
2024-10-06
0 views
劉德華成日講，服務態度好緊要，呢樣嘢一般系打邊爐嘅場合都唔太適用，因為打邊爐一般都比人有粗獷啲嘅形象，同埋大家吵吵鬧鬧先有氣氛。但係兩杯落肚，幾句不合，氣氛就變成氣憤。最重要系會影響埋其他食客。我鍾意呢度打邊爐，就係因為氣氛舒服寧靜之餘，服務態度同客人質素都好高。侍應非常有禮貌，呢套背景音樂播住70年代歌曲純音樂， 聽住Carpenter 嘅音樂，唔會有急住要食曬嘅感覺，唔會有粗口橫飛，只係需要專注享受食物，同埋同家人朋友慢慢傾計。難怪呢開咗二十幾年，都依然屹立不倒。🍖食物質素都好高，我最想介紹嘅係湯底，系冬瓜瑤柱湯，聽落冇乜特別，分分鐘仲會以為係史雲X，少年你太年輕了，入邊係有真嘅瑤柱，我仲特登筆起嚟俾大家睇，冇諗過真係多成咁！咁都不特止，個冬瓜切成蝴蝶型，而最勁嘅係下面仲有好多舊腌咗嘅牛展肉，功能可以媲美金華火腿，但係食落就好食過火腿好多。🍖 牛肉方面我哋叫咗傳說中的封門柳，為咗保持神秘，我哋冇刻意去問點解係一個傳說，而係選擇咗自己去體會，個人認為牛味繫好足，紋理分明，而特別之處， 係咬落會有床褥嘅口感，我意思係佢會有輕微回彈，可能係我嘅錯覺，又可能系因為牛肉嘅切法，係一片肉中間切
🍖食物質素都好高，我最想介紹嘅係湯底，系冬瓜瑤柱湯，聽落冇乜特別，分分鐘仲會以為係史雲X，少年你太年輕了，入邊係有真嘅瑤柱，我仲特登筆起嚟俾大家睇，冇諗過真係多成咁！咁都不特止，個冬瓜切成蝴蝶型，而最勁嘅係下面仲有好多舊腌咗嘅牛展肉，功能可以媲美金華火腿，但係食落就好食過火腿好多。
🍖 牛肉方面我哋叫咗傳說中的封門柳，為咗保持神秘，我哋冇刻意去問點解係一個傳說，而係選擇咗自己去體會，個人認為牛味繫好足，紋理分明，而特別之處， 係咬落會有床褥嘅口感，我意思係佢會有輕微回彈，可能係我嘅錯覺，又可能系因為牛肉嘅切法，係一片肉中間切開兩邊，又唔切盡，形成一個人字，而產生出嚟嘅特別口感。
🍖蔬菜拼盤同埋墨魚丸，都非常新鮮，配合埋佢個醬汁，我估計係xo醬加豆豉醬，非常好味。不過一定唔可以錯過推介炸響鈴。我哋可以點完其他先再決定要食響鈴，預計佢會遲嚟，但係都等多咗好一陣子，喺呢個等待嘅時間，我哋討論過，而且特別雀躍，我哋都估計系因為要即炸嘅關係而遲啲上枱，到嚟嘅時候，bingo，外面熱熱地，用筷子夾落去嘅時候已經索索聲，新鮮炸起真係零舍唔同。
20年嘅老店自有佢生存之道，呢餐係一個特別宜舒適嘅打邊爐體驗。
Post
