餃撚店 (Under Renovation)

見到有新鋪開，於是入來試試。坐低先見到有自家製飲品，於是叫咗揸龍眼元肉杞子水，味道幾好，唔太甜。店名顧名思義主打餃子，當然要試多幾款。蘿蔔絲煎餅足料，蘿蔔清甜。牛肉餅係成晚嘅驚喜，牛肉餡似乎用高質牛肉打成，一咬開充滿牛肉汁。大家食完都話要即刻encore. 小籠包皮薄但夾起唔會穿，完全顯出師傅嘅功架。要讚吓所有點心都係即叫即做，上枱時全部熱辣辣。相對起點心麵食就有點失色。擔擔面略淡，面亦都太淋。但係為咗啲點心我還是會再來的。