牛惣居酎屋

Open Now

Now Closed

朋友好中意食串燒，上網見到呢間做緊優惠，$34有兩串，性價比超高。一坐低店員就遞上生野菜沙律，有青瓜，甘荀和椰菜，新鮮爽口，沾到大醬好惹味。食串燒一定要叫杯生啤，夠凍好爽。海膽味道鮮甜濃郁，口感creamy。白子入口嫩滑，加上醬汁酸甜開胃。自家制豆腐豆香味濃郁，外脆內軟。蘆筍豚肉卷一咬落勁多汁，蘆筍清甜無渣。雞肉大葱串醬汁甜甜地，大葱吸收晒好好味。雞骨豚肉腸外面脆卜卜，味道唔過咸。牛骨髓第一次食，入口幼滑，加上醬汁和香葱，味道香濃。秋葵爽口，但略有少少乾身。多春魚魚香味濃，好香脆。牛肝牛味濃郁，食落口感creamy。牛心厚切，咬落爽口彈牙。