長阪燒

Open Now

Now Closed

今日朋友介紹我哋去旺角呢一間日本餐廳試吓，話佢哋嘅廚師發辦好抵食，而且食物質素同埋 餐廳環境服務都好好👍🏻👍🏻夜晚最平嘅廚師發辦只係$468—— 長阪12旬彩席間料理（12品） ，$500唔使就已經有12道菜式，又真係幾抵喎！一齊嚟睇吓佢嘅食物質素如何啦！🤩🤩首先，拎上嚟第一道菜分別係有璣煮鮑魚、蟹肉豆腐🦀、燒拖羅🐟，三款食物嘅擺放都好精緻，其中我就最鍾意佢哋嘅璣煮鮑魚，好入味而且唔會好韌！跟住上枱嘅分別有非常開胃嘅赤貝八爪魚醋物🐙 、三款刺身🍣 同埋 非常精緻嘅三文魚子蟹肉夾餅🦀，三款刺身分別係熟成深海池魚🐠、白蝦🦐、海膽，其中我最鍾意佢哋嘅白蝦，味道真係好鮮甜軟糯！ 接住落嚟就開始有啲熱嘢食啦～ 分別係鵝肝魚子蒸蛋🥚、日式燒豆腐配木魚絲 、風乾馬友🐟，鵝肝魚子蒸蛋嘅鵝肝帶出咗成個蒸蛋嘅主調，而且蒸蛋非常之滑！🙌🏻🙌🏻 燒豆腐外皮好脆，裏面嘅豆腐好滑仲有少少爆汁嘅效果💦💦 風乾馬友🐟一樣好有鮮味！跟住就上咗兩款天婦羅🍤，分別係沙嘴魚 同埋 秋葵 ，同埋燒北寄貝🐚，燒北寄貝拿捏得好好，做到啱啱熟非常爽口又有鮮味！最後上嘅菜式就係香草龍蝦汁燴飯🦞 同埋 魚湯🐟，其中我就特別鍾意佢個魚湯，