Kim's Spoon (南豐中心) (Closed)

喺復活節黎過呢度食午餐，當時覺得唔錯，今日收工再黎食晚飯。餐廳就喺南豐中心2樓，位置頗多，但平日晚上客人都唔少，我地被安排坐較裡面嘅位置，枱與枱間唔算好闊落，加上坐滿客人，大家都鬥大聲，確係會有少少嘈，不過我地都係簡單食個晚飯，唔會坐好耐。餐牌選擇豐富，有前菜、小菜、煎餅、紫菜卷、米紙卷、年糕、薄餅、湯鍋、鐵板類、飯麵等，定價合理。晚市都有提供二人餐，啱哂唔想煩嘅人，我地就食左呢個「弘大至熱選」，見之前啲評語都唔錯，加上見個餐牌幾吸引，即管一試。泡菜餐枱擺放整齊，餐具、泡菜自取，泡菜酸辣度適中，可以任食。「弘大至熱選」$288包括有香辣炒年糕、泡菜炒飯、漢堡、甜辣炸雞、麵包、薯條、沙律、美國肩胛翼板牛肉，定價$288(另加一)。二人份量，都夠食，但唔會話好飽。製作需時，我地大約等左20分鐘，一上枱，「ok喎，哈哈」，同圖片基本上一樣，專用木盤盛載，擺放整齊，比想像中精緻烤爐都幾新淨。店員細心建議我地可以先襯熱食炒年糕，之後再燒肉。平時嘅炒年糕就比較重口味，一般都係用甜辣醬炒。呢個炒年糕賣相都幾特別，感覺似甜品。面頭用上忌廉、裡面係香辣炒年糕，份量不少，熱辣辣。忌廉唔會好甜膩，攪勻之後撈