部屋咖啡室

Open Now

Now Closed

揀呢到因為有好多種類既Board game玩，食飽仲可以玩陣先走，同埋之前已經聽朋友介紹過話食物高質好好味，今次就黎試試佢，結果以樓上咖啡室既質素真心出色，店員仲要好好人主動提我地轉套餐會抵食啲，飲品推介熱朱古力特飲，我點左熱薄荷朱古力，朋友點左熱薄荷朱古力咖啡同埋鮮奶朱古力，三杯都好好飲，唔係平時好平嗰種可可豆味，係真熱濃郁朱古力，薄荷味都啱啱好，凍飲可以試吓楊枝甘露，非常足料，飲完好飽哈哈，主菜叫咗卡邦尼意粉、黑松露意大利飯、西西里薄餅，真係每樣嘢食都好高質😂我哋都冇諗過有驚喜，特別黑松露飯粒煮得煙煙韌韌，證明廚師經驗十足，真係識得煮意大利飯，薄餅即叫即焗，包皮香脆，小食我哋叫咗芝士西蘭花同煙三文魚沙律，套餐仲有炸蟹餅，三個人埋單每人三百蚊而己，有野玩有好野食，非常之抵，朋友果然冇介紹錯🥳🥳