築間酸菜魚

酸菜魚就食得多，不過一般都係響川菜餐廳食，無意中響網上見到有台式酸菜魚呢樣嘢，已經覺得好有新鮮感好想試吓，唔知同平時食開大陸嗰啲有咩分別呢？今日就抱住呢個好奇心同老公嚟咗試~ 餐廳座位都幾闊落，加上因為我哋係平日晚上去，就算兩個人都有大卡位坐~ 一坐低我哋就行去拎野飲嗰個位，其實同太x酸菜魚非常相似，嘢飲嘅選擇都一樣，酸菜魚嘅味道其實都差唔多，不過最優勝嘅地方係呢度選擇多好多! 除咗酸菜魚之外仲有其他湯底嘅魚，今次叫咗個蝦湯魚，海鮮超足料之餘味道鮮美，沙白食得出好新鮮好甜最正嘅係就算同行嘅人唔食酸菜魚都可以一人一碗唔同味咁樣叫，可以一個人食唔一定要同人share，平時打工仔食晏如果冇人陪，都有多一個選擇~ 我都好開心終於唔使等到一定有人陪先可以食酸菜魚，總括嚟講雖然價錢唔算平，但係可以一個人食同埋海鮮高質，都值回票價