東海酒家 (Closed)

平時去開鰂魚涌個間，覺得都唔錯，知道The One 開咗間，約埋朋友去試兼慶祝生曰。點知失望到極點！叫咗個片皮鴨$350，得十片八片兼"乾掙掙"，上枱嗰唓，好似食淨咗咁。另加$60 一鴨兩食，個生菜包剛剛好，一人一份，共六份，真係少到離譜，食物質素同價錢完全不成正比；屋企附近啲不知名酒樓仲好過佢多多聲，又抵食。仲有個雞煲，又係一人一件，實在少得過份。我一向都無特別寫邊間餐廳好唔好食，但這次確實令人氣憤，使我難以平，故此一定要和大家分享。