喜悅軒酒家 (Closed)

晚上七點，隔離金滿庭既二人枱要等位，於是去左呢間好多空枱既酒樓食飯，果然係中伏既先兆。大概7:15落單，叫左個龍蝦孖寶，1.芝士焗龍蝦伊麵底2.清湯浸時蔬，價值$348。問題一：伙計冇認真跟單揀呢間餐廳，係因為唔想等位，期望能快快醫肚。但愈等愈唔對路，連碟簡單既烚菜都冇影。於是催左幾次，喺半個鐘後先有個女經理跟進，發現原來冇落過單。問題二：價錢貴、分量少接近八點先上菜，發現碟芝士焗龍蝦的分量好少！雖然佢賣$348，但我懷疑佢只有半隻，或者一隻迷你龍蝦仔！食到龍蝦殼多過食到啲肉。伊麵則勉強分到四碗。至於碟青菜，如佢既菜名一樣係普通野，冇期望。埋單連茶位加一盛惠408元。而我只食左一碗半伊麵同幾條菜。同樣價錢，喺同一個商場已經有好多選擇，絕對冇下次。