Mojo Bistro

Open Now

Now Closed

放工約了朋友到來晚餐，酒吧餐廳時尚又復古，環境寧靜而浪漫。美食樣樣好味，而且服務員相當有禮，個個面帶笑容，坐耐點都唔怕，傾計食飯的好地方。Cajun seafood boil香辣海鮮拼盤 $134拼盤星期一有半價價惠好抵。海鮮滿滿有扇貝、阿根廷紅蝦、海蜆、鮑魚、燭青口、粟米、車厘茄等好足料。個汁用龍蝦湯，味道濃郁，有小蠟燭助熱非常美味。Fish fingers and French fries炸魚柳手指薯條 $138炸魚柳外層金黄酥脆，保留魚肉鮮美，配搭沙律醬，十分滋味。炸薯條香脆唔油膩，相當有水準。Duck Foie Gras香煎鴨肝配焦糖蘋果多士 $168多士超香脆，鴨肝入口即溶，中間夾了焦糖蘋果，口感味道層次豐富。US Pork Rack美國豬鞍扒配燒新薯 $288豬鞍扒大塊切成薄片襟食之餘，不失口感，豬扒軟腍多汁入味，近骨位肉味更濃，正，配燒汁好味。