Video
Read full review
2023-05-02
4591 views
朋友最近推介咗哩間餐廳🍴同類型嘅日式任食weekend brunch，去過 Honjo 同 Kyoto Joe，兩間都各有特色。今日嚟到魚治，風格同前面兩間都好唔一樣，魚治係居酒屋風格，牆上面放滿清酒做裝飾，旁邊仲有日本人客人。每人都會有一杯welcome drink，可以揀清酒或者果汁🍶🧃每星期嘅welcome drink 清酒都唔一樣；而welcome drink 嘅清酒又同free flow嘅清酒唔一樣架喎，可以預先問清楚職員。刺身、主菜、甜品每人包一份。其餘前菜、燒物、一品料理、麵食都係任食。落單係直接同職員落單，可以問清楚每樣食物嘅份量，唔會浪費。一開始好興奮咁揀咗好多食物，職員好細心咁解釋俾我哋聽，餐廳冷氣較大，一次過叫好多食物，就好容易吹凍。餐廳唔介意客人分開逐少叫食物，雖然brunch係12-2點，但同其他餐廳唔一樣，唔會早15分鐘截單，一夠鐘就要客人起身交枱。而係落單可以落到2點，之後可以慢慢坐到3點。餐廳唔會趕住做第二輪，所以食得好舒服，唔洗食得好急。主菜有兩款，燒厚切牛舌同燒銀鱈魚。刺身同主菜會先嚟，之後就開始叫任食嘅食物。我哋三個人，叫咗兩份牛舌同一份銀鱈魚。無
同類型嘅日式任食weekend brunch，去過 Honjo 同 Kyoto Joe，兩間都各有特色。
今日嚟到魚治，風格同前面兩間都好唔一樣，魚治係居酒屋風格，牆上面放滿清酒做裝飾，旁邊仲有日本人客人。
每人都會有一杯welcome drink，可以揀清酒或者果汁🍶🧃
每星期嘅welcome drink 清酒都唔一樣；而welcome drink 嘅清酒又同free flow嘅清酒唔一樣架喎，可以預先問清楚職員。
刺身、主菜、甜品每人包一份。
其餘前菜、燒物、一品料理、麵食都係任食。
落單係直接同職員落單，可以問清楚每樣食物嘅份量，唔會浪費。
一開始好興奮咁揀咗好多食物，職員好細心咁解釋俾我哋聽，餐廳冷氣較大，一次過叫好多食物，就好容易吹凍。
餐廳唔介意客人分開逐少叫食物，雖然brunch係12-2點，但同其他餐廳唔一樣，唔會早15分鐘截單，一夠鐘就要客人起身交枱。而係落單可以落到2點，之後可以慢慢坐到3點。
餐廳唔會趕住做第二輪，所以食得好舒服，唔洗食得好急。
主菜有兩款，燒厚切牛舌同燒銀鱈魚。
刺身同主菜會先嚟，之後就開始叫任食嘅食物。
我哋三個人，叫咗兩份牛舌同一份銀鱈魚。
無論係牛定係魚，都燒得好好。
牛舌會配埋漬物，中間仲有小小粉紅色。
以下係推薦一定要試嘅食物 ❤️
前菜
楓糖忌廉芝士拌薄脆
Crisp with cream cheese and maple syrup
哩個真係好好食!!! 😍😍😍😍
係忌廉芝士加埋楓糖，搽餅乾食。
一份餅乾一定食唔哂個醬，可以叫職員淨係拎餅乾，咁就唔會浪費咗啲醬。
個餅係森永小麥胚牙餅，就咁食都好好食 😆
爐端燒
燒免治雞肉串
Chicken tsukune skwer
免治雞肉串好容易食到，點解仲特登推介俾大家呢～
因為佢質感幾實，唔似外面串燒店咁削。
再加埋醬油一齊燒，外面輕輕燒到少少焦脆，好好食。
一品料理
炸海藻
Deep fried seaweed
第一次食炸海藻，口感好得意。
可以一試，不過要趁熱食。
放涼咗無咁好食。
食事
燒飯團 - 明太子
Grilled rice ball (mentaiko)
個飯團燒得好香，飯團唔係好大件，一齊share食都唔會好飽好頂胃 😋
外面燒得香脆，再加醬油燒，所以會偏濃味。
最後，飯後甜品係牛奶布甸。
布甸好重牛奶味，但偏甜。
最後已經食到好飽，但都忍唔住食哂個布甸🍮
雖然食物選擇唔多，而且刺身唔係任食，但我覺得食物同服務都比Honjo 同 Kyoto Joe優勝。
推薦👍🏻👍🏻👍🏻
Post
