Video
Read full review
2016-05-29
608 views
我自己有一個香港心目中拉麵既排行，呢間我可以講係我心目中係頭三位黎，所以每隔一排就會特登入去大坑探呢碗拉麵先旨聲明，入得黎食，重口味既我表示乜都要超濃：無論係蒜，湯同埋個濃厚度。提提大家，超濃係會勁杰的，濃到好似成Pat野咁，視覺效果直頭係零分。所以第一次黎食的話唔好直接挑戰Boss，個質感唔係人人接受得到。仲有如果想追加替玉的話唔好飲湯飲得咁快，會變撈麵的。先講番我呢碗，麵質揀超硬原因一黎我鐘意食硬質麵條多過軟身，二黎就要預番半分鐘影相時間導致到既麵質變化，要知道幾十秒對住麵質黎講係可以有一個好明顯既變化。麵質用上幼身太麵，簡單ｄ講，同豚王（唔理佢地背後啦，呢度唔研究背景）用上同一種麵條。因為都係出自同一系拉麵。鹼水感覺唔重，依然有小小，但屬於可以接受範圍。叉燒唔評論太多，我覺得對比出面有幾間叉燒做得特別既完全比唔上，但呢系湯底我最鐘意既就係有豚肉碎粒增加左成碗麵既口感，個層次＆口感當堂出左黎。而隻蛋絕對係中上之作，浸味醂完全入味，可惜呢期食得太多完美蛋，導致到當日既我覺得稍為比下去。重點就係湯底，我唔討論味精呢個問題，涉及問題太多，所以你自己覺得唔口乾，無對味精起感覺就係個答案，呢
先旨聲明，入得黎食，重口味既我表示乜都要超濃：無論係蒜，湯同埋個濃厚度。提提大家，超濃係會勁杰的，濃到好似成Pat野咁，視覺效果直頭係零分。所以第一次黎食的話唔好直接挑戰Boss，個質感唔係人人接受得到。
仲有如果想追加替玉的話唔好飲湯飲得咁快，會變撈麵的。
黑骨
$88
55 views
1 likes
0 comments
麵質用上幼身太麵，簡單ｄ講，同豚王（唔理佢地背後啦，呢度唔研究背景）用上同一種麵條。因為都係出自同一系拉麵。鹼水感覺唔重，依然有小小，但屬於可以接受範圍。
叉燒唔評論太多，我覺得對比出面有幾間叉燒做得特別既完全比唔上，但呢系湯底我最鐘意既就係有豚肉碎粒增加左成碗麵既口感，個層次＆口感當堂出左黎。
而隻蛋絕對係中上之作，浸味醂完全入味，可惜呢期食得太多完美蛋，導致到當日既我覺得稍為比下去。
重點就係湯底，我唔討論味精呢個問題，涉及問題太多，所以你自己覺得唔口乾，無對味精起感覺就係個答案，呢間就係我心目中覺得濃味而唔頸渴之選。墨魚汁波波你會見到一堆黑球咁，食完個嘴絕對烏卒卒需要濕紙巾。
其他配料我唔講太多，呢個時候椰菜絲對我黎講，係一個畫龍點晴配菜。咁濃味既情況下有清甜蔬菜清理下個口腔，成個refresh效果出哂黎。
Other Info. :
食得辣既話不坊加佢個辣，惹味好多。
同埋由於果晚我5個人關係，淨係有一張枱可以等，正常唔洗等或者５分鐘鬆就有位
(The above review is the personal opinion of a user which does not represent OpenRice's point of view.)
Post
