Video
Read full review
2022-12-06
471 views
一直bookmark左E間Fine Dining好耐, 今晚就約埋朋友一齊去試下, 餐廳位於土瓜灣嘅啟岸, E到食市林立, 仲有充滿和風嘅燈籠, 打卡一流! 餐廳環境幾大, 燈光暗暗地, 幾有情調, 店員安排左入面半房式嘅落地窗邊位置, 私隱度十足, 如果係晏晝採光度應該不錯! 餐廳提供多款菜式, 車車同朋友揀左2人Set, 有餐湯, 3個Starters, 兩個Mains同兩款甜品!🌟Daily Soup是日餐湯係椰菜花湯, 白色嘅湯汁熱辣辣帶濃濃嘅椰菜花味, 配搭佢地嘅燕麥餐包同先家製甜椒牛油, 無論味道同口感都相當豐富🌟Japanese Tomato Crab Meat Crispy Rice Cakes蕃茄蟹肉波波賣相精緻, 一個個用米做嘅波波排係一邊, 藍蟹肉同蕃茄就係罐入面, 店員會幫忙打開罐蓋, 自己可以將餡料根據自己喜好放唔同份量入去波波, 食落外脆內鮮, 蟹肉嘅鮮味配上酸甜蕃茄片, 相當開胃!🌟Citrus Lemongrass Hamachi Sweet fish sashimi Yellowtail厚厚嘅油甘魚刺身肥美帶油光, 切成一朵花嘅形狀, 食落油脂甘香豐腴
🌟Daily Soup
是日餐湯係椰菜花湯, 白色嘅湯汁熱辣辣帶濃濃嘅椰菜花味, 配搭佢地嘅燕麥餐包同先家製甜椒牛油, 無論味道同口感都相當豐富
🌟Japanese Tomato Crab Meat Crispy Rice Cakes
蕃茄蟹肉波波賣相精緻, 一個個用米做嘅波波排係一邊, 藍蟹肉同蕃茄就係罐入面, 店員會幫忙打開罐蓋, 自己可以將餡料根據自己喜好放唔同份量入去波波, 食落外脆內鮮, 蟹肉嘅鮮味配上酸甜蕃茄片, 相當開胃!
🌟Citrus Lemongrass Hamachi Sweet fish sashimi Yellowtail
厚厚嘅油甘魚刺身肥美帶油光, 切成一朵花嘅形狀, 食落油脂甘香豐腴, 配上淡淡嘅檸檬草醬令味道更清新
🌟Chorizo Mussels
西班牙辣肉腸青口配紫蘇蕃茄汁及法包, 青口肉質鮮嫩多汁, 配上酸酸甜甜嘅醬汁相當醒胃, 特別之處加入左紫蘇香, 所以味道唔會好似平時食落咁單一
🌟Slow Cook Sukiyaki Kagoshima Pork Belly
慢煮壽喜燒鹿兒島五花肉用左一個三層嘅玻璃容器盛住, 放有沙律菜, 主角五花肉同漬蘿蔔絲, 五花肉晶瑩亮澤, 用沙律菜將五花肉同漬蘿蔔包住食, 五花肉軟腍入味, 肉汁豐盛有脂香, 甜甜嘅壽喜燒醬汁令其更惹味, 加入左漬蘿蔔令口感清新, 又可以解膩
🌟Saikyo Miso Yaki Black Cod With Mango Sasa
西京燒野生黑鱈魚配芒果沙沙, 黑鱈魚外皮微脆, 油份充足, 肉質結實, 配上酸酸地嘅芒果沙沙, 解膩又清新, 一試難忘, 相當有誠意
🌟Signature Marukyu Koyamaen Kyoto Matcha Roll
甜品車車揀左招牌丸久小山園京都抹茶卷, 外層蛋糕軟熟有彈性, 中間嘅cream口感軟滑, 富濃濃嘅抹茶香, 甜而不膩
🌟Daily Dessert
是日甜品有兩件小蛋糕, 分別係伯爵茶蛋糕同古早味蛋糕, 兩件都唔算太甜, 特別喜歡伯爵茶蛋糕, 其伯爵茶味超級濃郁, 食完之後口腔充滿茶香
Post
