Video
Read full review
2025-01-28
804 views
去咗屯門主打手工意粉嘅餐廳，試咗呢個$158嘅lunch set，講真CP值都幾高下！首先揀咗個前菜set，個ham platter擺盤都幾靚，有火腿、Parma ham 、辣肉腸同沙律菜。另外都可以揀蘑菇湯，幾濃郁。主菜方面，我就揀咗個短通粉。個醬汁成個重點，用咗辣橄欖同酸豆去調味，香辣帶酸，配埋八爪魚，口感層次豐富。八爪魚嘅火候掌握得啱啱好，夠爽口又唔會太韌。啲意粉係手造，質地彈牙，幾有水準。如果想食紅蝦嗰款可加$220。用咗西班牙紅蝦，仲要配埋紅蝦膏醬汁，個醬味道香濃，值得一試。意粉仲好爽口好好味😋飲品叫咗特濃朱古力，好濃郁好好飲～-另一杯Shakerato 就有Double Espresso, Lemon Juice, Soda, Caramelized Honey Lemon，好特別！最後甜品係花花雪條，造型夠打卡，味道清新，作為完場都唔錯。
去咗屯門主打手工意粉嘅餐廳，試咗呢個$158嘅lunch set，講真CP值都幾高下！
首先揀咗個前菜set，個ham platter擺盤都幾靚，有火腿、Parma ham 、辣肉腸同沙律菜。另外都可以揀蘑菇湯，幾濃郁。
主菜方面，我就揀咗個短通粉。個醬汁成個重點，用咗辣橄欖同酸豆去調味，香辣帶酸，配埋八爪魚，口感層次豐富。八爪魚嘅火候掌握得啱啱好，夠爽口又唔會太韌。啲意粉係手造，質地彈牙，幾有水準。
如果想食紅蝦嗰款可加$220。用咗西班牙紅蝦，仲要配埋紅蝦膏醬汁，個醬味道香濃，值得一試。意粉仲好爽口好好味😋
飲品叫咗特濃朱古力，好濃郁好好飲～-另一杯Shakerato 就有Double Espresso, Lemon Juice, Soda, Caramelized Honey Lemon，好特別！
最後甜品係花花雪條，造型夠打卡，味道清新，作為完場都唔錯。
Post
