鳴虎 (順昌大廈) (Closed)

好耐無食過拉麵，咁啱去開堅尼地城做野，就同同事去鳴虎到食個lunch。我地各自叫左個主食，再叫多個小食share。本魚乾豬骨湯拉麵 - 以四種鮮魚加上豬骨湯底熬煮，濃郁又唔會太膩。火炙叉燒肉質柔軟唔太韌，肥瘦均勻。拉麵麵質唔錯，入口煙韌彈牙，唔會帶好重鹼水味，而且做到掛湯效果大阪風咖喱豬扒丼 - 吉列豬扒夠厚身，而且炸得剛剛好，唔會食到到一口油膩感。外脆內嫩好鬆化，咬下落去厚實多汁，唔會乾爭爭。咖哩汁唔會好辣，味道香甜濃郁，送飯一流。芝士魚條拼魚餅 -魚餅芝士味濃郁又帶點魚香，口感豐富，絕對係芝士迷必點之選。