泰鳩

Open Now

Now Closed

同朋友嚟到近期油麻地最熱門人氣泰菜。估唔到真係非常好好味又抵食。第時唔使專登去九龍城食泰菜喇～🔥黃咖哩軟殼蟹覺得係招牌菜，係必點之選3隻軟殼蟹唔係平時嗰啲細細隻咁樣，而係3大隻好似5-6 両重嘅蟹，成隻手掌咁大隻嘅蟹。炸到外脆內軟。一啖咬入口，入面全部都係軟滑蟹肉爆到成日蟹肉。非常誇張🤩而黃咖喱入面勁多蛋白🍳 甜甜地唔算太辣，非常黏口，完全黐滿全隻蟹。就咁食完呢碟已經飽咗大半💀🐟泰式明爐魚全條鱸魚放上個爐度燒，真係好香～ 大大條魚，魚肉都夠滑嫩。味道剛剛好😄🫕冬蔭功湯有蝦又有青口，辣度同酸度都剛好適中～ 🥤芒芒雪沙 & 椰青雪山超清甜。有著原汁原味感覺😌