夏麵館 (樂富廣場)

Open Now

Now Closed

今晚過嚟樂富同家姐食飯，同佢去咗夏麵館，餐廳以自家製的麵條聞名，標榜少油少調味，非常適合現代健康飲食新潮流。 自2006年起連續三年獲得上海最佳食府之名譽，店內裝修古色古香，置身其中好有中國格調。三蝦煨麵：湯濃味鮮，手工麵條柔韌滑爽。三蝦即是蝦籽、蝦腦、蝦仁，它們是蝦身上最寶貴的東西。河蝦仁非常爽口，配搭埋蝦籽和蝦腦，味道更鮮更甜。老上海炒麵：炒得夠香又夠味，每條粗麵都沾滿濃濃的醬汁，惹味又彈牙，配上一些蔬菜、肉絲和冬菇𢇁，令口感更豐富。生煎小籠包4隻：軟熟的外皮配上湯汁滿滿的肉餡，加上底部煎到脆卜卜，一口咬下去，多重滋味湧上，層次感豐富。上海炸春卷，春卷顏色金黃，餡料鮮香，食落香脆可口。開心果高力外層炸得鬆軟，開心果做成嘅內餡料甜度適中，帶有開心果香味，配一些糖霜食更甜美。  豆漿有豆香，入口順滑。西洋菜蜜有清熱止咳，消燥潤肺，滋潤養顏之效，味道清甜。