Video
Read full review
2024-11-09
0 views
香港地一年四季都可以打邊爐，依家天氣轉涼，無理由唔烚下烚下，食返個古法雞鍋滋補一下！侍應姐姐好親切，幫我哋點火加水之餘，又同我哋講笑吹下水，完全感受到老字號冰廳嘅人情味！椰子文昌走地雞鍋 $108文昌走地雞，一生人點都要試一次，肉質厚實有彈性，雞味特別濃郁；加上椰子清甜，怕太鹹濃味嘅朋友啱哂！雞鍋仲包埋其他配料，我哋最鍾意其中兩款：第一係蟹棒，超大條，夠滋味，不過得1條，下次會加$20叫多條；第二係娃娃菜，超級新鮮爽脆，我平時唔太食都覺得好味！怕唔夠食，都可以嗌多兩款配料，我哋就分別加$40要咗牛肩胛同埋加$10烏冬。牛肩胛一定要嗌，肉質彈牙有嚼勁，但又不失適度嘅軟嫩，點豉油經已好惹味啦！呢個套餐叫燉湯都係加$15，夠哂抵呀！我哋都好鍾意呢個燉湯，雞腳大大隻，又多茶樹菇，最緊要個湯夠靚，香醇濃郁，精華十足！
侍應姐姐好親切，幫我哋點火加水之餘，又同我哋講笑吹下水，完全感受到老字號冰廳嘅人情味！
椰子文昌走地雞鍋 $108
文昌走地雞，一生人點都要試一次，肉質厚實有彈性，雞味特別濃郁；加上椰子清甜，怕太鹹濃味嘅朋友啱哂！
雞鍋仲包埋其他配料，我哋最鍾意其中兩款：第一係蟹棒，超大條，夠滋味，不過得1條，下次會加$20叫多條；第二係娃娃菜，超級新鮮爽脆，我平時唔太食都覺得好味！
怕唔夠食，都可以嗌多兩款配料，我哋就分別加$40要咗牛肩胛同埋加$10烏冬。牛肩胛一定要嗌，肉質彈牙有嚼勁，但又不失適度嘅軟嫩，點豉油經已好惹味啦！
呢個套餐叫燉湯都係加$15，夠哂抵呀！我哋都好鍾意呢個燉湯，雞腳大大隻，又多茶樹菇，最緊要個湯夠靚，香醇濃郁，精華十足！
Post
