築間酸菜魚

呢間酸菜魚餐廳喺銅鑼灣最近人氣非常之高，星期五去食嘅時候全場滿座，一定要試吓先得，聽講佢哋嘅餐廳主廚經過長時間嘅研究，曾經向上海火鍋店拜師學藝，並且加入自己嘅創意，將台式、中式以及日式嘅風味融入酸菜魚，創作咗各種口味嘅酸菜魚，各有特色。❤️今次我哋叫咗經典嘅總長酸菜魚，入面嘅酸菜又酸又爽，湯底用上柴魚昆布湯，並且加入了指天椒、泡椒和青花椒等各種辣椒熬製，酸得來又帶點麻辣，非常惹味。另外，酸菜魚有分大中細嘅size，價錢亦都唔同，無論一個人食定一大班人嚟食都非常適合，而且仲可以加入各式各樣嘅配料，我哋就加咗烏鱧魚片，所以魚嘅份量超級多，食極都仲有，真係好正。🥹另外，我哋仲點咗嘉義沙鍋魚，原來佢使用秘製沙茶醬，並且加入洋蔥、香菇、辣豆瓣等爆炒，所以十分惹味，加入口感厚實彈牙的鱸魚。😆