Pici

Open Now

Now Closed

Item: Pici
Rating: 5
Author: jackie.ip.395

257 Reviews

Taste

Decor

Service

Hygiene

Value

27166

Central

$201-400

Italian

185

jackie.ip.395

Level4

223

嚟到長假期嘅第二日喇,阿肥應承咗我帶我出街抖抖氣,之前上open rice度搵到上環呢間餐廳好想一試,所以今日一起身就同阿肥搭車過嚟喇。餐廳嘅位置唔算難搵,就喺正PMQ嘅對面,只係出咗地鐵之後要行一小段斜路上嚟,當係餐前小運動啦。估唔到入到餐廳之後,好似置身於外國咁,四圍嘅裝修帶住歐美風格,連客人都過半係外國人,仲聽住比較funky style嘅音樂,假期能夠遊閒至此,夫復何求呢。呢度嘅餐牌以全英語顯示,職員亦只會講英文,咁大家要嚟就做定功課或者心理準備喇。普遍食物嘅價格都唔算貴,仲見到呢度原來係免收加一嘅添!雖然不收服務費但所有職員亦十分友善專業,會細心留意每枱客人有咩需要,唔係我份人祟洋...喺呢一方面本地人真係要學習一下,唔係聽唔見客人召喚就代表可以傾計噤電話人哋真係工作時工作,值得尊敬。落完柯打之後,職員都會送上餐前麵包,另外仲附設橄欖油同黑醋予客人沾點,麵包實屬法包類,口感堅韌,正宗意大利風味。只要有Parma Ham($80蚊)嘅地方,阿肥都唔會走寶,不過我一向都唔鍾意食呢樣嘢,變相只有佢一人獨享。嚟到嘅時候只係覺得佢份量好多,喺出面叫親好似都係得幾塊仔,估唔到呢度咁澎湃,

Read full review

503 views

0 likes

0 comments

嚟到長假期嘅第二日喇,阿肥應承咗我帶我出街抖抖氣,之前上open rice度搵到上環呢間餐廳好想一試,所以今日一起身就同阿肥搭車過嚟喇。餐廳嘅位置唔算難搵,就喺正PMQ嘅對面,只係出咗地鐵之後要行一小段斜路上嚟,當係餐前小運動啦。

估唔到入到餐廳之後,好似置身於外國咁,四圍嘅裝修帶住歐美風格,連客人都過半係外國人,仲聽住比較funky style嘅音樂,假期能夠遊閒至此,夫復何求呢。

1758 views

2 likes

0 comments

呢度嘅餐牌以全英語顯示,職員亦只會講英文,咁大家要嚟就做定功課或者心理準備喇。普遍食物嘅價格都唔算貴,仲見到呢度原來係免收加一嘅添!雖然不收服務費但所有職員亦十分友善專業,會細心留意每枱客人有咩需要,唔係我份人祟洋...喺呢一方面本地人真係要學習一下,唔係聽唔見客人召喚就代表可以傾計噤電話

人哋真係工作時工作,值得尊敬。

落完柯打之後,職員都會送上餐前麵包,另外仲附設橄欖油同黑醋予客人沾點,麵包實屬法包類,口感堅韌,正宗意大利風味。

只要有Parma Ham($80蚊)嘅地方,阿肥都唔會走寶,不過我一向都唔鍾意食呢樣嘢,變相只有佢一人獨享。嚟到嘅時候只係覺得佢份量好多,喺出面叫親好似都係得幾塊仔,估唔到呢度咁澎湃,問阿肥覺得點?佢點頭示好然後話好得喎!不過佢話有埋蜜瓜就更加perfect喇。

阿肥點呢個主食叫做Pappardelle($140蚊),餐牌上注明話寬條麵配以經八小時慢煮嘅牛肉跟肉醬,配料另有洋蔥,紅蘿蔔同埋西芹,面頭仲灑上咗小小芝士碎增加美感。慢煮牛肉的確入口鮮嫰,非常之腍,味道亦剛好唔會過咸,整體嚟講尚算滿意不會失望。

而我就叫咗呢份Classic Lasagna經典千層麵($120蚊),因為要焗嘅關係都比阿肥份主食耐小小上枱,嚟到嘅時候仲聽到面頭焗到熱辣辣嘅滋滋聲同埋氣泡波動,職員提示唔好掂到個玻璃盤因為實在係extremely hot!~見到上面佈滿一層芝士已經流哂口水...慢慢咀嚼,脆脆咸咸嘅芝士味道香濃,正合我心意

而千層麵嘅層次非常分明,麵條光身滑溜,口感軟身,自家製嘅出品果然係與眾不同

相比之下本小姐認為呢份千層麵較好味,價錢亦比阿肥嗰碟平

我都冇為意餐牌度原來有果汁叫~嚟到之後先至知原來阿肥叫嘅,不過$40蚊一杯就有點貴

不過勝在係新鮮鮮榨嘅,阿肥最鍾意。

最後我叫咗個甜品Tiramisu提拉米蘇($55蚊)俾自己,呢份甜品真係不得不叫!!!品質極高~口感極佳~係我暫時喺香港食到最好食嘅Tiramisu,沒有之一。用玻璃水杯盛裝住嘅份量令人實在滿足,面頭灑上朱古力可可粉,一羹直插底部連埋一起放入口食,咖啡味濃,裡面吉士忌廉creamy幼滑,再加埋軟綿綿嘅蛋糕,三重口感極為享受