Still

Open Now

Now Closed

香烤胡椒蟹肉餅整體外脆内軟，食到係真係一條條蟹肉，絕對足料，上面有蟹羔，加埋淡淡胡椒味，好香口。辣肉腸鵝肝醬迷你漢堡賣相好精緻，配上辣肉腸咸香都好夾。啤酒蒜片蝦用浸泡過蒜片的橄欖油烹調大蝦，再加左黑啤去煮，渗透出迷人的香氣，大蝦爽口彈牙。紅酒燉牛頰卷牛面頰極其軟腍嫩滑，中間仲有啲啫喱咁嘅筋好正，完全唔使用力，就已經慢慢融化喺口中，下面有焦糖菠蘿，配埋茄子蓉，推薦！煙靭之選每次食西班牙菜都忍唔住叫咗甜品西班牙油炸鬼，可以點朱古力醬，香濃但唔會好甜，炸到外脆內軟之後咗之後，上面灑佐少少玉桂糖。西班牙鮮果特飲& 熱情蘋果特飲味道好清新，充滿果香好解喝。