利興

Open Now

Now Closed

上星期五晚同班黨友飲完嘢吹完水, 見天氣有d涼意, 大家不約而同都懷念起利興d羊腩煲, 落到去成十點半, 竟然座無虛席, 要搵老板仔攪掂張檯比我哋. 坐低就二話不說即要咗個煲, 一雙啤酒, 環顧四週, 有約一半嘅枱都食緊羊腩煲, 成個場都香噴噴(如果中意羊肉羶味嘅話), 個煲嚟到再滾番起之後大家都等唔切要起筷, 事隔半年, 結果無令我哋失望, d羊腩好香好入味, 連羊皮嗰d先正, 炆得夠'林'口可以中和咗d肉嘅粗'鞋'仲美味, 其次仲有入晒肉味嘅腐竹醮腐乳漿又係絕配, 最後一定要落埋d唐生菜'索'埋d汁食就夠享受勒, 掃完個煲之後其實都唔在乎其他小菜, 其實都ok ka. 通常冬天除咗羊腩煲外就係喺到打鞭爐, 夏天就嚟食潮州打冷, d鵝片鵝腸又係好正, 呢度無論你點食點飲都係幾十蚊一個人, 上次我哋都係夾咗六十蚊已經食到好到頂. 價錢好平民化下, 下次搵日天氣涷d再落去打鞭爐.