Prime Pho (Moved) New Location

疫情仍未過，連短線旅行仲未可以。突然好想食越南河粉，唯有馬上飛到中環尋找好味之河粉。 中環區有水準嘅越南店鋪真係有很多，呢間應該算是其中之一間。牛脷湯河牛脷切薄片，入口鬆軟但仍有少少咬口，再加河粉上的香葉一齊送入口，感覺好唔錯。招牌 Pho 特別 Prime Pho一碗有齊牛肉，牛筋，牛丸及蘿蔔，所有配料精彩，特別係牛丸咬開一半有肉汁鎖在裡面，蘿蔔清甜，甜味同湯底一樣 👍🏼越式燒豬肉由於河粉份量不多，KO完後仍未滿足，所以點了一份燒豬肉。豬肉經香茅，魚露⋯等等香料醃過再加上被火燒熟，味道及口感都非常好，吃完後終於有好滿足嘅感覺啦😋食完一份咁正宗嘅越南河粉同燒豬肉，真係有啲感覺好似走咗一轉越南。店舖入口有少少窄，先頭嘅部份係坐吧枱形式，再行入一點就有餐枱，但坐位數量不多，以他們嘅食物質素，相信午飯時候可能需要排隊等一下。