南瀛水產

好耐以前同朋友黎食過呢間南瀛水產，前幾日又掛住呢到個蟹味增甲羅燒，就又同佢黎呢到食dinner。🍱千島黃金海鮮卷 $128/9件呢款卷物好特別，係冇飯嘅，以蛋皮包住，入面有唔同嘅海鮮，配埋千島醬，幾開胃。🦀蟹味增甲羅燒 $78由好多蟹膏、蟹肉同埋鵪鶉蛋整成，店員會喺我地面前燒。蟹膏味好濃郁。🧀芝士魚蛋 $58都係店員會喺我地面前燒嘅，一份有四片，魚片入面有芝士餡，燒完好香，好食。🐥日式炸雞$68有四件，圓碌碌，外層脆卜卜，入面嘅雞肉都好嫩滑。可以加少少檸檬汁，都好夾。🧀一口芝士$68有五粒，咬落去係流心嘅芝士內餡。🐮香蒜牛舌$88牛舌好食！牛味好濃郁，又唔會太鹹，表面有好多炸蒜，食落會好惹味。🍲A5宮崎和牛壽喜鍋（二人前）$438呢個壽喜鍋嘅重點係有幾大片A5宮崎和牛，放入壽喜鍋入面，淥一淥，再點一點蛋汁，牛味重，油脂豐富，食落鮮甜滑嫩，好食。壽喜鍋入面仲有好多菜、豆腐、菇同埋芋絲，食完呢個會好飽。🍣三文魚刺身$78唔錯，食落幾新鮮。🍰綠茶千層蛋糕$68綠茶味濃，中間仲有紅豆夾心。蛋糕唔會太甜。