Video
Read full review
2007-07-12
20 views
寫完母親節, 跟著不如寫埋父親節. 始終能夠一家人一齊食飯, 係一種福氣.今年父親節正日, 仲係緣份的天空, 父親節飯順延一星期. 唔係正日, 但人都唔少, 坐了一輪已見有人要等位. 環境係一般, 不過沒有想像中差, 係可接受的程度.這裡無餐牌, 就跟住牆上的手寫菜牌點菜, 要了回味無窮全力推介的杏汁白菜膽紅蘿蔔煲白肺同砵仔焗魚腸, 仲有好正的燒汁鱔球同超正的正宗糯米雞.杏汁白菜膽紅蘿蔔煲白肺: 6分, 回味無窮全力推介就係正, 似乎唔係. 跟校友會同蓮香樓的比較, 係差唔止一班. 飲落去係覺得似白菜湯多過白肺湯, 係清清的, 完全沒有杰身的感覺. 令人覺得係未夠火候就夾硬上臺的. 味道仲算清甜的, 但真係無白肺湯的效果.加上老闆娘的大力推介, 更有此地無銀之感.燒汁鱔球: 7分, 肥大的鱔球, 不算腥, 但燒汁唔係好入味, 算不錯, 但未係好出色.砵仔焗魚腸: 2分, 比神燈的仲差, 真係相當令人失望. 一上臺已經係一陣燒焦味,食落口仲有苦味, 問老闆娘, 竟然答, 這碟無燒焦, 但這裡的魚腸係有苦味的. 難道這店覺得弄爆了個膽而令到全碟變苦係無問題? 苦魚腸係這裡的風格?平日愛吃魚
今年父親節正日, 仲係緣份的天空, 父親節飯順延一星期. 唔係正日, 但人都唔少, 坐了一輪已見有人要等位. 環境係一般, 不過沒有想像中差, 係可接受的程度.
這裡無餐牌, 就跟住牆上的手寫菜牌點菜, 要了回味無窮全力推介的杏汁白菜膽紅蘿蔔煲白肺同砵仔焗魚腸, 仲有好正的燒汁鱔球同超正的正宗糯米雞.
杏汁白菜膽紅蘿蔔煲白肺: 6分, 回味無窮全力推介就係正, 似乎唔係. 跟校友會同蓮香樓的比較, 係差唔止一班. 飲落去係覺得似白菜湯多過白肺湯, 係清清的, 完全沒有杰身的感覺. 令人覺得係未夠火候就夾硬上臺的. 味道仲算清甜的, 但真係無白肺湯的效果.
加上老闆娘的大力推介, 更有此地無銀之感.
燒汁鱔球: 7分, 肥大的鱔球, 不算腥, 但燒汁唔係好入味, 算不錯, 但未係好出色.
砵仔焗魚腸: 2分, 比神燈的仲差, 真係相當令人失望. 一上臺已經係一陣燒焦味,食落口仲有苦味, 問老闆娘, 竟然答, 這碟無燒焦, 但這裡的魚腸係有苦味的. 難道這店覺得弄爆了個膽而令到全碟變苦係無問題? 苦魚腸係這裡的風格?
平日愛吃魚腸的媽媽馬上放棄.
正宗糯米雞: 7分, 店方先讓我們看看未解開的糯米雞, 跟住就取回廚房切開上臺. 其他食友已經講過, 糯米雞的做法係原隻雞去骨, 加入糯米飯後去炸. 跟八寶鴨有點類似, 最大分別係沒有八寶鴨這麼多材料, 只係糯米飯為主.
是晚吃到的糯米飯, 沒有過濕的問題, 幾香口, 但人少吃這味始終幾難搞, 吃糯米好快就飽肚. 雞炸得太勁了, 雞肉很老了, 當然明白不會好嫩滑, 但過老就無乜雞味.
未試過這味, 來試一試都好的. 畢竟唔知日後仲有無機會.
之後聽亞妹話此店幾年前轉廚後水準大不如前. 是晚吃就覺得水準不大平均, 價錢就仲算合理的.
沒有糖水送, 想我們盡快退臺讓賢?
Post
