Video
Read full review
2024-04-24
55 views
超耐無食肉，所以就約咗朋友嚟尖沙咀呢一間放題燒肉食一食！除咗燒肉之外，仲有刺身及壽司等美食，相當多選擇！$368一位，要加一，限時120分鐘，時間都好充裕！一開始就叫咗幾款沙律嚟試吓，當中泰式生蝦好唔錯，食落新鮮，而且生蝦配有泰式辣汁，滿滿的泰式風味！試咗肉鬆蟹籽沙律同胡麻豆腐，兩款都清新可口，好適合作為餐前開胃菜！刺身方面，見到餐廳一共有8款刺身，放題嚟講，刺身種類都算多👍🏻最愛八爪魚及三文魚，兩者都大大片，而且食落好鮮味，唔會有一陣雪味，相當唔錯！甜蝦亦好出色，以為甜蝦係細細隻，點知出到嚟係超大隻，而且食落肉質鮮甜，忍唔住encore咗幾次！壽司方面，有火炙壽司及普通壽司，因為想重點食燒肉，所以今次只係試咗2-3款壽司！值得推薦嘅有忌廉芝士鰻魚火炙壽司，鰻魚大大條，配埋忌廉芝士一拼食，口感超級豐富，味道又有層次，好好食！炸物方面，就試咗手打脆香魚角、十勝蕃茄芝士餃子及牛乳松葉蟹薯餅等幾款小食！手打脆香魚角真係好出色，炸得好金黃，咬落口感好彈牙！而蕃茄芝士餃子都相當唔錯，兩者嘅味道又配合得好夾，食落冇違和感👍🏻而牛乳松葉蟹薯餅同一般薯餅相比，依然係炸得金黃香脆，但就相對冇咁硬身，食落
一開始就叫咗幾款沙律嚟試吓，當中泰式生蝦好唔錯，食落新鮮，而且生蝦配有泰式辣汁，滿滿的泰式風味！試咗肉鬆蟹籽沙律同胡麻豆腐，兩款都清新可口，好適合作為餐前開胃菜！
刺身方面，見到餐廳一共有8款刺身，放題嚟講，刺身種類都算多👍🏻最愛八爪魚及三文魚，兩者都大大片，而且食落好鮮味，唔會有一陣雪味，相當唔錯！甜蝦亦好出色，以為甜蝦係細細隻，點知出到嚟係超大隻，而且食落肉質鮮甜，忍唔住encore咗幾次！
壽司方面，有火炙壽司及普通壽司，因為想重點食燒肉，所以今次只係試咗2-3款壽司！值得推薦嘅有忌廉芝士鰻魚火炙壽司，鰻魚大大條，配埋忌廉芝士一拼食，口感超級豐富，味道又有層次，好好食！
炸物方面，就試咗手打脆香魚角、十勝蕃茄芝士餃子及牛乳松葉蟹薯餅等幾款小食！手打脆香魚角真係好出色，炸得好金黃，咬落口感好彈牙！而蕃茄芝士餃子都相當唔錯，兩者嘅味道又配合得好夾，食落冇違和感👍🏻而牛乳松葉蟹薯餅同一般薯餅相比，依然係炸得金黃香脆，但就相對冇咁硬身，食落比較Creamy及嫩綿，好食！
肉類方面
最驚喜係有蕃茄味嘅牛五花，估唔到蕃茄甜味令到牛肉食落去少咗肥膩嘅感覺！食多幾嚿都覺得唔夠！最重要係仲有牛舌，食落去爽口，係食牛朋友嘅福音！
石鍋香茜蠔仔粥
首先要一個係佢石鍋，上枱嘅時候已經滾到起晒泡！熱辣辣之餘，仲要非常足料，湯底亦唔會好鹹，食落溫暖飽肚，味道鮮美！
試咗卜卜煮大蜆，一上枱都大大煲，而且份量好多，蜆煮得好鮮甜，無沙，食得出有鮮味，好食！
Post
