Video
Read full review
2021-11-01
1065 views
秋風起，蟹腳癢，持螯賞菊，正是時候。終於等到秋風送爽嘅季節，代表住大閘蟹宴盛又要來臨啦！我地早左成個月book盈翠軒嘅大閘蟹及點心任食宴，每位連加一雜費為$438，評價如下：食物水平：大閘蟹任食，每次食完一盤之後可以請侍應再上一盤，大閘蟹送到嚟時候都係新鮮熱辣，每隻都好多蟹膏，但係size就略嫌細隻左少少(順帶一提，當月生日嘅朋友可以獲贈一隻4-5兩重嘅大size大閘蟹，份量較普通大閘蟹大一半左右)。點心除左鮑魚之外，其他都係任嗌，基本嘅點心好似燒賣、燒味、菜餃、鳳爪、椒鹽豆腐等等都有，任君選擇。味道嚟講不過不失，一般茶樓水平。環境：室內環境比較細，樓底亦都較矮，無一般大酒樓果種闊落嘅感覺，所以觀感一般。服務：一般。尤其係啲侍應阿姐，我地每次食完一輪大閘蟹，想再添嘅時候，佢地好似一臉唔樂意咁，好似要求佢地咁先有下一輪，呢一點真係非常失敗，打開門做生意，你寫得任食嘅話就無論如何都要提供到相應嘅服務，點解好似為難你地咁樣？係咪想啲客人個個食兩隻就收工，跟住又唔食點心，你地就滿意？咁樣嘅服務質素，係做生意嘅大忌，因為已經輸左口碑。總結：整體嚟講，性價比唔算高，食物質素只係大閘蟹叫做好食啲之外
我地早左成個月book盈翠軒嘅大閘蟹及點心任食宴，每位連加一雜費為$438，評價如下：
食物水平：
大閘蟹任食，每次食完一盤之後可以請侍應再上一盤，大閘蟹送到嚟時候都係新鮮熱辣，每隻都好多蟹膏，但係size就略嫌細隻左少少(順帶一提，當月生日嘅朋友可以獲贈一隻4-5兩重嘅大size大閘蟹，份量較普通大閘蟹大一半左右)。
點心除左鮑魚之外，其他都係任嗌，基本嘅點心好似燒賣、燒味、菜餃、鳳爪、椒鹽豆腐等等都有，任君選擇。味道嚟講不過不失，一般茶樓水平。
環境：
室內環境比較細，樓底亦都較矮，無一般大酒樓果種闊落嘅感覺，所以觀感一般。
服務：
一般。尤其係啲侍應阿姐，我地每次食完一輪大閘蟹，想再添嘅時候，佢地好似一臉唔樂意咁，好似要求佢地咁先有下一輪，呢一點真係非常失敗，打開門做生意，你寫得任食嘅話就無論如何都要提供到相應嘅服務，點解好似為難你地咁樣？係咪想啲客人個個食兩隻就收工，跟住又唔食點心，你地就滿意？咁樣嘅服務質素，係做生意嘅大忌，因為已經輸左口碑。
總結：
整體嚟講，性價比唔算高，食物質素只係大閘蟹叫做好食啲之外，其他都係一般般。如果有其他餐廳提供大閘蟹任食宴，可能揀另一間會比較好。
Post
