牧羊少年咖啡館 (德福廣場1期)

Open Now

Now Closed

今日約咗朋友晚飯，兩個女仔揀咗間靚Cafe晚飯，入到嚟氣氛唔錯，柔和黃燈，加上書架同植物，感覺cozy。餐廳做緊二人餐優惠，我哋就揀咗個二人餐，二人餐可以自選一樣小食，一款意粉，一款煮食，二杯飲品同埋Häagen-Dazs雪糕做甜品。参巴鮮茄煮沙白大蜆呢個小食好惹味，湯汁有啲馬來西亞森巴味道，加上鮮茄及洋蔥還有重點沙伯大顯嘅精華，個湯汁非常鮮甜。沙巴大顯嘅份量都好多，粒粒飽滿。龍蝦汁鳳尾蝦意粉呢個意粉係比較日式嘅做法，意粉以龍蝦汁炒勻，配有好多雜菌。每啖意粉都食到龍蝦汁嘅鮮味，鳳尾蝦好大隻，爽口彈牙。鹽麴燒比目魚伴澳洲西蘭花•普羅旺斯燉菜比目魚大大件又厚肉，魚皮煎得非常香脆，魚肉嫩滑，魚油豐富甘香。伴菜除咗澳洲西蘭花仲有普羅旺斯燉菜。紅桑子乳酸忌廉芝士奶蓋紅桑子乳酸酸甜味道剛好，加上微微鹹香的芝士奶蓋，不會覺得膩。抹茶牛奶（凍）朋友選了這杯抹茶牛奶，我試咗一啖，抹茶味濃，飲起來幾香滑。甜品套餐包咗兩杯Häagen-Dazs雪糕，今日嘅雪糕係Cookie and cream味道。套餐可以加錢升級甜品，下次可以試吓。