Video
Read full review
2024-05-02
56 views
位於中環的A Lux法國餐廳，門口真係好似去咗巴黎一樣，環境優雅，氣氛浪漫🌹今晚同朋友一齊叫咗份tasting menu。首先上枱嘅係餐前小食和法國牛角包、麥包及脆片接著係Lobster bisque, tortellini，龍蝦湯夠晒濃郁，每一啖都充滿龍蝦嘅鮮甜，雲吞皮薄餡靚，口感一流😬跟住就係French beef tartare, smoked mayo, fried toast，牛肉他他口感軟滑，配埋煙燻蛋黃醬，味道更加豐富，炸多士香脆可口，真係絕配。然後就係重頭戲，Spaghetti, 24 months parmesan cheese, black truffle，廚師會喺你面前即場點火燒香24個月巴馬臣芝士配上黑松露去煮呢個意大利粉，真係不得了，巴馬臣芝士嘅香味濃郁，黑松露嘅香氣撲鼻，每一啖都充滿奢華嘅感覺，真係令人回味無窮。仲有Carabineros prawn homemade spaghetti，西班牙紅蝦鮮甜彈牙，自家製嘅意大利粉口感煙韌，配埋蝦頭蝦膏去整的香濃醬汁，真係食到停唔到口。主菜方面，叫咗美國USDA肉眼扒，煎得啱啱好，外層焦香，內裡鮮嫩多汁，肉味濃郁最
位於中環的A Lux法國餐廳，門口真係好似去咗巴黎一樣，環境優雅，氣氛浪漫🌹
今晚同朋友一齊叫咗份tasting menu。首先上枱嘅係餐前小食和法國牛角包、麥包及脆片
接著係Lobster bisque, tortellini，龍蝦湯夠晒濃郁，每一啖都充滿龍蝦嘅鮮甜，雲吞皮薄餡靚，口感一流😬
跟住就係French beef tartare, smoked mayo, fried toast，牛肉他他口感軟滑，配埋煙燻蛋黃醬，味道更加豐富，炸多士香脆可口，真係絕配。
然後就係重頭戲，Spaghetti, 24 months parmesan cheese, black truffle，廚師會喺你面前即場點火燒香24個月巴馬臣芝士配上黑松露去煮呢個意大利粉，真係不得了，巴馬臣芝士嘅香味濃郁，黑松露嘅香氣撲鼻，每一啖都充滿奢華嘅感覺，真係令人回味無窮。
仲有Carabineros prawn homemade spaghetti，西班牙紅蝦鮮甜彈牙，自家製嘅意大利粉口感煙韌，配埋蝦頭蝦膏去整的香濃醬汁，真係食到停唔到口。
主菜方面，叫咗美國USDA肉眼扒，煎得啱啱好，外層焦香，內裡鮮嫩多汁，肉味濃郁
最後就係甜品時間，叫咗栗子Tiramisu，真係好特別，粒粒栗子肉好有口感，配埋咖啡酒嘅香味，真係令人一試難忘。
果然餐廳的食物真係好高質素，每一道菜都充滿心思，服務又周到，環境又浪漫，真係一個慶祝生日、紀念日或者同朋友聚會嘅好地方！一份tasting menu 足以試晒佢嘅招牌菜👍
Post
