青花 (THE FOREST)

餐廳位於波鞋街The Forest一樓，地方寬躺，裝修好綠色好波希米亞，仲有一個大好嘅室外打卡位，加上食物質素高，碟碟份量大CP值高好抵食，絕對係附近最佳選擇之一。● 芒果蟹肉沙律以為叫個芒果蟹肉沙律可以做前菜，點知原來好大碟份量好驚人，唔係前菜係主食，好彩味道非常好，芒果好甜一啲都唔酸，加上顏色好鮮艷，好開胃● 泰式虎蝦金邊粉兩隻大虎蝦用料有驚喜，而金邊粉沾上甜甜酸酸醬汁好惹味，當然少不了花生碎，咬口更豐富，份量同樣唔少同樣抵食● 藍碟花蟹肉菠蘿炒飯將飯用碟豆花染藍令賣相變靚係值得讚，飯乾身，而配料亦好豐富，包括蟹肉、腰果、肉鬆同提子，當然仲有另一主角菠蘿，切成一件件三角形前後擺，加上配料色彩繽紛，令整碟擺盤更靚，更更重要係份量唔少，好抵食● 香蕉薄餅小編認為這是必食甜品，份量唔大，絕對係食飽飽主食食後仍然仲可以食得落，做法非常簡單，薄餅包住切片沾上榛子醬嘅香蕉，薄餅本身軟腍腍好咬口好煙韌，因為即做，亦會熱熱地，口感相當好，而味道亦都出奇地好，而最重要嘅甜度係剛好，好滿足● 蝶豆花青檸茶