Video
Read full review
2020-12-09
279 views
天氣啱啱轉凍，最啱食啲暖粒粒嘅嘢！咁啱同fd去左銅鑼灣，眾多選擇之中最後決定試下渝味曉宇，因為重慶火鍋辣野聽就聽得多，食就真係第一次。首先講下個環境，每張枱嘅距離唔會太近，啲位都好闊，坐得好舒服。張枱亦都唔會太細，啱哂打邊爐擺嘢。一入黎已經覺得呢度啲姨姨好親切，幫我哋安排好晒啲位之後即刻俾個紙袋我哋帶住個口罩。跟住陸陸續續遞上茶同埋糖水，個糖水絕對唔係Hea，係好足料嘅冰糖雪耳糖水，話驚我地食唔到咁辣就可以隨時飲兩啖糖水舒緩下，值得加分😆我地叫左蕃茄麻辣鴛鴦鍋，湯底果然都係冇令我地失望，一樣好足料！有足一個蕃茄，係真蕃茄味，唔係一般溝好多茄膏嘅蕃茄湯。麻辣嗰邊越煲越入味，直頭係辣得過癮！*食得辣嘅朋友，極力推薦你地放個凍豆腐落麻辣嗰邊食！配料方面，我地諗住可以試多啲唔同嘅嘢，大部分都叫左半份，平時喺出面叫半份多數唔夠食，呢度絕對冇呢個問題(以三個女仔為基準)上圖嘅嘢全部都係每樣半份，睇落都已經滿足☺️我地嗌左特別啲嘅有香鹵豬大腸、鮮蝦雲吞、手打蝦滑、手打四寶圓、鮮龍躉片、白鱔、桂花蚌。不得不讚呢度嘅海鮮都好新鮮，性價比極高！特別係鮮龍躉片同白鱔，好出色！呢度仲會插個牌仔提你淥幾耐，當然仲
咁啱同fd去左銅鑼灣，眾多選擇之中最後決定試下渝味曉宇，因為重慶火鍋辣野聽就聽得多，食就真係第一次。
首先講下個環境，每張枱嘅距離唔會太近，啲位都好闊，坐得好舒服。張枱亦都唔會太細，啱哂打邊爐擺嘢。
一入黎已經覺得呢度啲姨姨好親切，幫我哋安排好晒啲位之後即刻俾個紙袋我哋帶住個口罩。
跟住陸陸續續遞上茶同埋糖水，個糖水絕對唔係Hea，係好足料嘅冰糖雪耳糖水，話驚我地食唔到咁辣就可以隨時飲兩啖糖水舒緩下，值得加分😆
4 views
0 likes
0 comments
我地叫左蕃茄麻辣鴛鴦鍋，湯底果然都係冇令我地失望，一樣好足料！有足一個蕃茄，係真蕃茄味，唔係一般溝好多茄膏嘅蕃茄湯。麻辣嗰邊越煲越入味，直頭係辣得過癮！*食得辣嘅朋友，極力推薦你地放個凍豆腐落麻辣嗰邊食！
6 views
0 likes
0 comments
配料方面，我地諗住可以試多啲唔同嘅嘢，大部分都叫左半份，平時喺出面叫半份多數唔夠食，呢度絕對冇呢個問題(以三個女仔為基準)
8 views
0 likes
0 comments
上圖嘅嘢全部都係每樣半份，睇落都已經滿足☺️
我地嗌左特別啲嘅有香鹵豬大腸、鮮蝦雲吞、手打蝦滑、手打四寶圓、鮮龍躉片、白鱔、桂花蚌。不得不讚呢度嘅海鮮都好新鮮，性價比極高！特別係鮮龍躉片同白鱔，好出色！
呢度仲會插個牌仔提你淥幾耐，當然仲有提供計時器啦！好細心
鮮龍躉片
19 views
0 likes
0 comments
打邊爐當然唔少得肥牛，我地叫左一份，有7-8片，每塊都肥瘦厚薄都適中，亦都新鮮，食埋其他野，每人食兩片都已經夠哂！
7 views
0 likes
0 comments
最後梗係食粉收尾啦！我地叫左曉宇苕粉，係闊身嘅薯粉，放落麻辣嗰邊又係有一個令人停唔到口嘅魔力🤣
曉宇苕粉 (半份)
7 views
0 likes
0 comments
總括嚟講，呢度嘅環境係令人坐得好舒服，乾乾淨淨唔會太嘈雜。而且食材新鮮高質，以咁嘅質素，價錢亦比出面打邊爐平啦！仲要係銅鑼灣中心地帶，夠哂方便，一定會再幫襯！
3 views
0 likes
0 comments
Post
