泰鳩

Open Now

Now Closed

聽聞係mirror 、error成員有份投資既泰菜, 雖然打住星級旗號, 但性價比幾高, 食物質素一啲都唔馬虎黃金蝦餅 $78蝦餅夠厚身同彈牙, 新鮮炸起脆卜卜, 味道不錯沙嗲串燒 $82叫左雞同牛共6串, 有別於一般串燒, 會另上一個沙嗲汁, 而係串燒本身已舖上一層富香濃椰味既醬汁, 但又同串燒既味道幾夾.冬蔭功豬頸肉炒飯 $108炒飯做到粒粒分明, 入口小小酸辣, 幾惹味. 不過略嫌豬頸肉切得太薄身, 所以煎得過左火令肉質太柴有小小硬.泰式蝦炒金邊粉 $88金邊粉炒得夠入味, 夠乾身, 配合側邊既花生粒更好食. 而蝦肉質雖然未到好彈牙, 但都可以接受亦都夠大隻.