Video
Read full review
2021-09-02
3045 views
自從有次同呀媽食完花膠雞煲之後，佢就愛上咗，於是我就搵咗幾間同佢逐一拜訪。今日我哋去咗位於灣仔嘅「癡膠雞」，其實我之前已經食過太子店，係覺得唔錯先敢帶佢嚟😝。灣仔店座位比太子店多，但如果坐滿人，就會有少許迫。店內掛上唔少粉筆畫，上面畫咗漫畫角色，幾得意😎。印象中太子店都有類同嘅畫，絕對係餐廳嘅一大特色。小店主打雞類菜式🐓，而灣仔店提供嘅食物種類更多，包括各式飯同小食等。餐廳定價相宜，大部份飯麵平均只售$5X，實屬經濟之選。花膠雞煲翅($148/半隻)，雖然食翅唔環保🙈，但間唔中食一次就算啦，難得呀媽開聲話想食。花膠雞煲連埋熱鍋上，全程可以飲住熱辣辣嘅雞湯🔥，超正，如果係冬天食就更加不得了。雞湯味道濃郁，唔會過鹹，而且並無味精，飲完都唔會口乾。餸料方面，兩個字形容哂：足料！🐔半隻雞份量多，有齊雞髀、雞翼同雞胸等，大大啖肉啱哂我，肉質長期滾住都無變嚡；而呀媽就好滋味咁噒骨，仲話噒到口都攰埋，哈哈。另外，花膠同魚翅同樣係爆多，出手闊綽👍。魚翅大大塊，明顯見到一疏疏，而花膠更估計有成十片，好滋補呢。米線($15)，呢個係跟雞煲追加嘅配料，除咗麵之外，佢仲有牛肉、竹輪同菜等選擇。🍜粉麵底可揀上海
自從有次同呀媽食完花膠雞煲之後，佢就愛上咗，於是我就搵咗幾間同佢逐一拜訪。今日我哋去咗位於灣仔嘅「癡膠雞」，其實我之前已經食過太子店，係覺得唔錯先敢帶佢嚟😝。
灣仔店座位比太子店多，但如果坐滿人，就會有少許迫。店內掛上唔少粉筆畫，上面畫咗漫畫角色，幾得意😎。印象中太子店都有類同嘅畫，絕對係餐廳嘅一大特色。
小店主打雞類菜式🐓，而灣仔店提供嘅食物種類更多，包括各式飯同小食等。餐廳定價相宜，大部份飯麵平均只售$5X，實屬經濟之選。
花膠雞煲翅
$148
52 views
0 likes
0 comments
餸料方面，兩個字形容哂：足料！🐔半隻雞份量多，有齊雞髀、雞翼同雞胸等，大大啖肉啱哂我，肉質長期滾住都無變嚡；而呀媽就好滋味咁噒骨，仲話噒到口都攰埋，哈哈。另外，花膠同魚翅同樣係爆多，出手闊綽👍。魚翅大大塊，明顯見到一疏疏，而花膠更估計有成十片，好滋補呢。
米線($15)，呢個係跟雞煲追加嘅配料，除咗麵之外，佢仲有牛肉、竹輪同菜等選擇。🍜粉麵底可揀上海麵、米粉、米線、薯粉或者飯，我哋要咗米線，佢本身已經煮開咗，所以加啲湯整返熱佢就食得。米線麵質唔淋，份量亦都多，食返條麵感覺飽肚啲。
金磚豆腐
$32
29 views
0 likes
0 comments
日本豬軟骨
$34
28 views
0 likes
0 comments
蜜糖雞翼($34)，本身想嗌黑椒薯仔牛柳粒，但售罄，唯有轉食雞翼🍗。雖則都係雞，但口味同雞煲完全唔同，所以唔會有「又係雞」嘅感覺。雞翼炸得幾香脆，用蜜糖調味基本上唔會中伏。
胎菊羅漢果茶
$18
16 views
0 likes
0 comments
總括嚟講，呀媽對呢餐有讚冇彈，亦都充份表達咗我嘅意見。餐廳表面唔出眾，但全靠實力煮出美食取勝😋。再者，呢度性價比高，食埋翅二百蚊都唔使，可以去邊到搵呢？如果鍾意食花膠雞嘅朋友，不妨幫襯吓癡膠雞。
Post
