瓜破菓子店 (Life@KCC)

Open Now

Now Closed

呢間小店非常有人氣～好耐之前已經聽過佢哋個名字～一直都係做外賣生意～近來佢哋開咗實體店！今年媽媽六十大壽想揀個比較特別嘅蛋糕同佢慶祝生日～即刻諗起瓜破！佢啲蛋糕每個都好精緻～價錢又唔太貴，今次非佢莫屬啦～一去到佢哋官方網頁，我見到桃就已經心心眼～媽媽鍾意食桃嘛！而且佢個介紹都好吸引啊～"白桃慕絲 x 伯爵紅茶慕絲 x 山形白桃 x 白桃果醬"好多白桃～我二話不說即刻下單！瓜破可以係mtr交收，如果係遠少少都只係加少少錢。我係港島區，佢都可以配合到交收同埋followup電話都好好禮貌～值得一讚個蛋糕真係好精美！呢個係一磅size，切開非常香桃味～個海綿蛋糕做得非常鬆軟，中間可以見到佢有幾層材料～白桃味非常濃～而伯爵紅茶慕絲就啱啱好中和甜味令到個蛋糕唔會太膩最開心係佢除咗有好多白桃係裡面之外，蛋糕上面仲有士多啤梨～粒粒都又大又甜！真係好滿足～平時唔係好食甜品嘅媽媽都大叫好味要食多件大家如果想鏡特別啲嘅生日蛋糕不妨一試呢一間！