Video
Read full review
2021-10-31
1114 views
講到食自助餐訂位困難，呢間都算係其中之一，要早2個月訂位，究竟值唔值得，真係食過先知。習慣食自助餐都會食個小沙律醒下胃。沙律唔係好出息，不過都唔重要，因為唔係個個都食，skip左佢又唔覺可惜。跟住落嚟就試吓的海鮮。長腳蟹肉質鮮甜多汁，不過size時大時細比較難以捉摸。而生蠔早段時要排長龍，而開蠔需時，而見佢基於衛生要求，將蠔沖洗十秒左右，蠔味相對大減，而到後期已經少人攞，變得啲蠔放耐咗少少，味道相差甚大。至於其他方面，熟食款式比較多，西式方面就有薄餅，日式就有大阪燒、炸物，中式有燒味、片皮鴨、車仔麵檔、炒飯、薑醋等，喺數量上已經比其他知名嘅酒店為多，而味道同其他酒店自助餐相約，不算太有驚喜。係甜品方面，有比較少見嘅刨冰，不過因為要自己整就無咁好食。另外除咗Häagen-Dazs雪糕外，仲有啲自製嘅雪糕同雪笆，好唔好食就見仁見智啦，至少其他地方少見。另外值得推介下係鴨肝、焦糖燉蛋同埋個凍檸茶。鴨肝要排隊等下先至有，而且細細舊弔胃口，不過勝在味道好好，反正呢啲都係少食多滋味，食多幾舊都食唔到其他囉。而焦糖燉蛋真係好香，如果怕甜，可以整走面頭嘅焦糖，咁就味道啱啱好啦。飲品方面相對較少，不過最
習慣食自助餐都會食個小沙律醒下胃。沙律唔係好出息，不過都唔重要，因為唔係個個都食，skip左佢又唔覺可惜。
跟住落嚟就試吓的海鮮。長腳蟹肉質鮮甜多汁，不過size時大時細比較難以捉摸。而生蠔早段時要排長龍，而開蠔需時，而見佢基於衛生要求，將蠔沖洗十秒左右，蠔味相對大減，而到後期已經少人攞，變得啲蠔放耐咗少少，味道相差甚大。
至於其他方面，熟食款式比較多，西式方面就有薄餅，日式就有大阪燒、炸物，中式有燒味、片皮鴨、車仔麵檔、炒飯、薑醋等，喺數量上已經比其他知名嘅酒店為多，而味道同其他酒店自助餐相約，不算太有驚喜。
係甜品方面，有比較少見嘅刨冰，不過因為要自己整就無咁好食。另外除咗Häagen-Dazs雪糕外，仲有啲自製嘅雪糕同雪笆，好唔好食就見仁見智啦，至少其他地方少見。
焦糖燉蛋
16 views
0 likes
0 comments
鴨肝
24 views
0 likes
0 comments
另外值得推介下係鴨肝、焦糖燉蛋同埋個凍檸茶。鴨肝要排隊等下先至有，而且細細舊弔胃口，不過勝在味道好好，反正呢啲都係少食多滋味，食多幾舊都食唔到其他囉。而焦糖燉蛋真係好香，如果怕甜，可以整走面頭嘅焦糖，咁就味道啱啱好啦。飲品方面相對較少，不過最估唔到嘅就係佢個杯凍檸茶，係值得添飲。
整體而言，以呢個價錢食到同其他知名酒店自助餐，差唔多質素嘅食品已經唔錯，相信同呢間酒店嘅地點有關，但亦不值等2個月嚟食。好多時候咁嘅情況，做做下就會滑咗牙，質素keep唔到。
Post
