海洋超級漁港 (深海龍躉專門店)

Open Now

Now Closed

同屋企人去咗海洋超級漁港，呢間酒樓主打海鮮，其他燒味同小菜都唔錯，四個人一千都唔洗食到勁飽！炸子雞，$68。外皮炸得超脆，金黃香口，食落好滿足。雞肉嫩滑，唔會太乾，雞味濃郁得嚟帶有淡淡嘅鹽香。🥢脆皮燒腩仔，$68。燒腩仔外皮脆得唔得了，入口即化，脂肪分佈均勻，食落去唔會覺得膩。外層脆皮帶嚟嘅香氣同內裡嫩滑嘅豬肉形成強烈對比，真係一啖接一啖。🥢海鮮三寶，$488呢個三寶都幾抵食，三寶有上湯西澳洲龍蝦伊麵、金銀蛋蒜子浸菜芯同脆皮燒鵝皇。🥢上湯西澳洲龍蝦伊麵龍蝦蝦肉好新鮮彈牙，伊麵吸哂湯汁同龍蝦嘅精華，必食。🥢金銀蛋蒜子浸菜芯好清新，湯底濃郁得嚟帶有蛋香，配埋金銀蛋嘅香味，菜芯索左個湯，好食。🥢脆皮燒鵝皇 燒得外微脆，鵝肉嫩滑，油脂豐富但唔會過膩，鵝香味十足。🥢炒蜆，$138蜆肉好鮮甜，大大隻，洗得乾淨又冇沙，炒得好惹味，正！我哋點咗 大枝藍妹，$29.8冰凍嘅啤酒配埋燒味真係一流，清爽解膩。