Video
Read full review
2024-06-09
38 views
虎鐵鐵板燒今日母親節，阿女帶咗我嚟食鐵板燒。餐廳位於銅鑼灣，係一間鐵板燒店！食客可以坐喺鐵板面前，望住廚師烹調，食物高質之餘，亦都非常有趣，推薦大家慶祝節日嗰陣過嚟試吓。二人餐＄2889我哋就嗌咗個二人餐，食物款式非常多，有齊前菜、飲品、海鮮、主食同甜品等等。意大利花茶首先供應嘅係花茶，花茶好清香，淡淡地，有清幽嘅花香。牛油果海蝦沙律沙律菜好新鮮，好脆口。免頭淋咗啲醋，酸酸甜甜，好開胃。沙律材料有大蝦、車厘茄、洋蔥同牛油果。大蝦好彈牙，牛油果好滑~蟹肉海膽松露溏心蛋呢款前菜賣相好靚。溏心蛋質地做得好好，蛋黃味好濃。海膽份量多，食落好cream。黑毛豬柳黑毛豬柳好滑身，肉質軟腍腍，帶有少少油脂感。另外半碟配有蒜片、南瓜、番薯等等。時令海鮮鮑魚配蟹肉海苔醬鮑魚大大隻，煎得好好。廚師係鮑魚面頭大咗幾多，令到佢更入味。鮑魚有咬口，配搭住蟹肉海苔醬，好特別。活龍蝦龍蝦好新鮮，煮之前仲見到佢肉！龍蝦食落非常彈牙，鮮味十足。刺身帶子豆腐調魚湯呢款湯除咗用咗魚餌熬製之外，仲用上咗蟹殼，所以飲落特別鮮甜。因為用了新鮮，湯底只係加咗豆腐都已經好好味。面頭仲有帶子刺身，好厚身，好鮮甜。海膽杯海膽杯非常有驚喜
今日母親節，阿女帶咗我嚟食鐵板燒。餐廳位於銅鑼灣，係一間鐵板燒店！食客可以坐喺鐵板面前，望住廚師烹調，食物高質之餘，亦都非常有趣，推薦大家慶祝節日嗰陣過嚟試吓。
二人餐＄2889
我哋就嗌咗個二人餐，食物款式非常多，有齊前菜、飲品、海鮮、主食同甜品等等。
意大利花茶
首先供應嘅係花茶，花茶好清香，淡淡地，有清幽嘅花香。
牛油果海蝦沙律
沙律菜好新鮮，好脆口。免頭淋咗啲醋，酸酸甜甜，好開胃。沙律材料有大蝦、車厘茄、洋蔥同牛油果。大蝦好彈牙，牛油果好滑~
蟹肉海膽松露溏心蛋
呢款前菜賣相好靚。溏心蛋質地做得好好，蛋黃味好濃。海膽份量多，食落好cream。
黑毛豬柳
黑毛豬柳好滑身，肉質軟腍腍，帶有少少油脂感。另外半碟配有蒜片、南瓜、番薯等等。
時令海鮮
鮑魚配蟹肉海苔醬
鮑魚大大隻，煎得好好。廚師係鮑魚面頭大咗幾多，令到佢更入味。鮑魚有咬口，配搭住蟹肉海苔醬，好特別。
活龍蝦
龍蝦好新鮮，煮之前仲見到佢肉！龍蝦食落非常彈牙，鮮味十足。
刺身帶子豆腐調魚湯
呢款湯除咗用咗魚餌熬製之外，仲用上咗蟹殼，所以飲落特別鮮甜。因為用了新鮮，湯底只係加咗豆腐都已經好好味。面頭仲有帶子刺身，好厚身，好鮮甜。
海膽杯
海膽杯非常有驚喜！啲海膽多到滿瀉，除此之外，仲有好多魚子。海膽好新鮮，食落味道濃郁，又Creamy。魚子好鮮甜。底下再配有炒飯，兩者配搭得剛剛好。
鐵板疏乎厘雪糕
甜品都會喺我哋面前即叫即整，呢款係疏乎厘。疏乎厘好有空氣感，食落好輕盈。配搭着面頭凍冰冰嘅雪糕，非常好味。
Post
