部屋咖啡室

係美食雲集嘅登打士街廣場，朋友力推呢間12樓嘅cafe☕️ Café 環境舒服，都幾寧靜，適合三五知己一齊食嘢傾偈。燈光柔和以橙色為主，令人好放鬆，有家嘅感覺😊入座後店員俾一塊白板我哋點餐，揀選好後，可以撳鐘仔叫店員落單。我哋叫咗一個二人套餐 ($308) (特飲+$20、花茶+$30)🍽西西里Pizza 🍕10吋手拉Pizza 餅底鬆軟、唔會太厚，pizza邊邊煙韌有彈性，餡料有🍕蕃茄醬、芝士、辣肉腸、肉粒、蘑菇、火箭菜，用料豐富而且味道十分夾✨ 蕃茄醬酸酸地，可以蓋過芝士嘅膩，都幾開胃。🍽烤雞闊條麵🍝以忌廉作為闊條麵嘅醬汁，但忌廉份量偏少，如果醬汁份量多番啲，口感會更豐富✨而烤雞闊條麵嘅靈魂材料 ✨烤雞肉✨份量十分多，用料一啲都唔吝嗇😆再配以蘑菇、洋蔥、青椒，成個配搭好清新。👍🏻🍽炸蝦餅🦐一份蝦餅有6粒，即叫即炸，熱辣辣，而且大大粒又彈牙，再沾上甜酸辣醬 perfect match 😆👍🏻🍽八寶美顏花茶🍵透明嘅茶壺，可見花茶非常足料。有玫瑰、紅棗、枸杞、桂花、茉莉，🌼每一種材料對女性都有益處。減肥人士飲呢個花茶，可以將罪惡感減低😆 而且放上底座加熱，確保食完成餐飯之後，都可以嘆杯