Video
Read full review
2025-02-17
81 views
竟然 book 到壽司郎~~唔怕比人劏到一頸血又可以試吓2月新品，爽YY原本想試吓個米芝蓮主廚 Ryota特製松露香氣壽喜燒牛排點知無晒~嗚嗚嗚。唯有食返件炙燒焦糖鵝肝補數，size 好似比之前細咗，鵝肝係正嘅不過個焦糖好甜有啲搶 fo，但呢個價錢無咩好投訴㗎啦炙燒天然金目鯛，炙燒過嘅魚皮油脂甘香十足！好食~特盛帆立貝就有啲失望，原來係細細哋5粒帆立貝，但足足有兩大舊飯！！好飽肚呀！同我食普通帆立貝有咩分別...醬漬三文魚腩配新香三文魚蓉，睇落幾特別但味道偏鹹而且有啲腥腥的（？！）就咁叫淨三文魚腩好食啲。而如果鍾意食新香 （浅漬け）嘅可以試吓吞拿魚蓉新香卷，吞拿魚蓉軟腍加爽脆新香，多重口感仲要係又平又抵食嘅紅色碟！（呢個都係日本朋友介紹先知嘅隱藏好物）数の子 （鯡魚卵軍艦）- 即係希靈魚卵，爽口鹹香得嚟無平時嘅希靈魚咁酸~特盛紅楚蟹 - 6條蟹腳加埋蟹膏，蟹肉薄身水汪汪散颼颼唔鮮甜囉！好彩有啲蟹膏吊味如果唔係真係食咗個寂寞柚子味醬漬長鰭吞拿魚 微薄嘅柚子味唔會掩蓋咗吞拿魚嘅鮮~唔驚喜亦無伏，不過事後綜合朋友經驗個質素波幅都幾大下純靠彩數石垣貝 爽得嚟唔鮮甜，下次食返赤貝或者海螺算數韓式
原本想試吓個米芝蓮主廚 Ryota特製松露香氣壽喜燒牛排點知無晒~嗚嗚嗚。唯有食返件炙燒焦糖鵝肝補數，size 好似比之前細咗，鵝肝係正嘅不過個焦糖好甜有啲搶 fo，但呢個價錢無咩好投訴㗎啦
炙燒天然金目鯛，炙燒過嘅魚皮油脂甘香十足！好食~
特盛帆立貝就有啲失望，原來係細細哋5粒帆立貝，但足足有兩大舊飯！！好飽肚呀！同我食普通帆立貝有咩分別...
醬漬三文魚腩配新香三文魚蓉，睇落幾特別但味道偏鹹而且有啲腥腥的（？！）就咁叫淨三文魚腩好食啲。
而如果鍾意食新香 （浅漬け）嘅可以試吓吞拿魚蓉新香卷，吞拿魚蓉軟腍加爽脆新香，多重口感仲要係又平又抵食嘅紅色碟！（呢個都係日本朋友介紹先知嘅隱藏好物）数の子 （鯡魚卵軍艦）- 即係希靈魚卵，爽口鹹香得嚟無平時嘅希靈魚咁酸~
特盛紅楚蟹 - 6條蟹腳加埋蟹膏，蟹肉薄身水汪汪散颼颼唔鮮甜囉！好彩有啲蟹膏吊味如果唔係真係食咗個寂寞
柚子味醬漬長鰭吞拿魚 微薄嘅柚子味唔會掩蓋咗吞拿魚嘅鮮~唔驚喜亦無伏，不過事後綜合朋友經驗個質素波幅都幾大下純靠彩數
石垣貝 爽得嚟唔鮮甜，下次食返赤貝或者海螺算數
韓式辣醬漬三文魚軍艦 比個辣醬搶曬啲魚味，仲要口感漿漿哋咁，一個字：怪！炙燒真鯛配柚子醋蘿蔔蓉，第二次死心不息一錯再錯
成日見到個圖以為烤鰈魚鰭邊叫錯... 哭哭意大利芝士蒙布朗蛋糕，又平又好食！
忌廉芝士 + 咖啡味鮮奶油餡料入面仲有咖啡啫喱粒粒~咖啡味香得嚟唔太甜膩。唯一嘅疑惑係完全無栗子味嘅 Mont blanc 仲算唔算係 Mont blanc 呢~？😂
Post
