意粉狂熱 (屯門時代廣場北翼)

Open Now

Now Closed

最近推出左新菜式, 好友即急CALL叫食飯, 隨即係Openrice訂座。而且地點十分方便, 由西鐵站行過黎都系十分鐘左右。一落電梯就見大大個招牌。餐廳地方大, 座位好闊落，仲有長卡位適合比多人聚會。而且用QR CODE落單，簡單快捷👍🏻我地揀左個套餐有餐湯、沙律、意粉同甜品，另外再加多個小食😋《忌廉蘑菇湯》成個湯充滿粒粒蘑菇, 十分creamy。《凱撒沙律》食材有沙律菜、蛋、麵包糠、芝士碎、越食越開胃。《鮭魚親子和風忌廉鮮製意粉》爆滿忌廉汁濃郁，好香! 五舊鮭魚肉厚彈牙，配上粒粒鱈魚子，賣相十分吸引，食落味道爽口😋。《蕃茄香草雞肉天使麵》烤雞件唔乾身，煙韌彈牙，加上雜菌同蕃茄一齊煮，好JUICY!《原味荷蘭鬆餅配雲尼拿雪糕》香烤鬆餅配搭雲尼拿雪糕黎食，一冷一暖，食唔停口👍🏻《凍水果茶》解膩又開胃，果味偏淡, 甜度較低, 味道清清地。！《檸檬蜜糖雞翼》雞翼配搭十分多，我地揀左蜜糖醬配搭，效果好好，外脆內軟，真係一人一碟先夠喉呀!整體來講，人圴$200左右，食物上菜又快。值得久唔久都會黎幫襯。