川滿居 (京都廣場)

Open Now

Now Closed

午餐時間想食吓麻辣嘢, 自然想到吃川菜食館位於銅鑼灣京都廣場, 地方闊落多卡位, 裝修古色古香, 充滿懷舊色彩。午市套餐加上特色京川美食, 種類繁多。藤香雞肉質嫩滑多汁, 充滿藤香獨特香氣和椒香辣味, 相當醒胃。川式魚香茄子茄子煮得好腍滑, 鹹香肉粒夠惹味, 佐飯好合適。金湯酸菜魚魚肉鮮嫩幼滑, 酸菜口感清新, 薯粉煙韌彈牙, 掛滿美味上湯, 加上菇菌和萵筍, 配合芫茜辣椒等香料, 口感豐富。招牌香鍋熱辣辣香噴噴熱窩上桌, 小酥肉厚切香酥肥美, 五花肉片鹹味油香, 豬大腸肥厚甘香, 牛筋丸爽脆彈牙 , 四季豆新鮮爽甜, 土豆片薄切爽口, 食材豐富, 辣辣地充滿醬香, 味道互相配合, 香辣惹味。