有口福

Open Now

Now Closed

京蔥爆羊肉 : 羊肉肉香而不腥,爆炒後有淡淡嘅羊臊味，配上京蔥嘅香甜，食完一口一口，送啤酒一流。家鄉炒米粉： 米粉Q彈，配上白豬仔午餐肉10分惹味，加上火候炒得好乾身，好有鑊氣，加少少辣椒醬，香濃而不油，食得好滿足。招牌酸菜魚: 酸菜魚份量十足，餐廳用咗整條黑魚包括魚頭魚骨，煲咗個靚湯，再喺湯底入邊加入酸菜，泡椒，酸筍將酸菜魚嘅酸度提升到唔同層次，再用花椒香油令到魚肉入口爽滑，香辣麻香恰到好處，一啖接一啖10分過癮。而且仲有大量配料芽菜同寬粉，兩個人食到好飽飽。蒜蓉炒菜心： 菜心配搭豬腩肉一齊爆炒10分爽滑，菜心吸收咗豬油嘅香氣食落好香口，簡單嘅調味，帶出咗豬腩肉嘅油香，菜心嘅清甜。唔錯。